”ئۇچۇر تېخنىكىلارنى يېزىلارغا يەتكۈزۈش“ قۇرۇلۇشىنىڭ قەدىمىنى يەنىمۇ ئىلگىرى سۈرۈپ، ئوبلاستىمىزنىڭ يېزا ئىقتىساد ئۇچۇر تورىنىڭ ئىشلىتىلىش دائىرىسىنى كېڭەيتىش ئۈچۈن، ئوبلاستلىق پارتكوم، ئوبلاستلىق خەلق ھۆكۈمىتىنىڭ ئورۇنلاشتۇرىشىغا ئاساسەن، ناھىيەلىك پارتكوم تەشكىلات بۆلۈمى يىراق مۇساپىلىق ئوقۇتۇش ئىشخانىسى، ناھىيەلىك ئۇچۇرلاشتۇرۇش ئىشخانىسى بىرلىكتە تەشكىللىنىپ، 12-ئاينىڭ 2-كۈنىدىن باشلاپ ناھىيەمىزدىكى 5 يېزا بازارغا قارىتا ”ئۇچۇر تېخنىكىلارنى يېزىلارغا يەتكۈزۈش“ پائالىيىتىنى قانات يايدۇردى، بۇ ناھىيەمىزنىڭ 2007-يىلى ”ئۇچۇر تېخنىكىلارنى يېزىلارغا يەتكۈزۈش“ پائالىيىتى قانات يايدۇرۇلغاندىن بۇيان ئېلىپ 4-قېتىملىق تەربىيلەش كۇرسى ھېساپلىنىدۇ.

دەرس ئۆتۈلمەكتە

      بۇ قېتىمقى تەربىيلەش ۋەزىپىسىنى ناھىيەلىك پارتكوم تەشكىلات بۆلۈمى يىراق مۇساپىلىق ئوقۇتۇش ئىشخانىسى، ناھىيەلىك ئۇچۇرلاشتۇرۇش ئىشخانىسىدىكى ئىقتىدارلىق تايانچ كادىرلار ئۈستىگە ئالغان بولۇپ، تەربىيلەش ئوبيېكتى يىراق مۇساپىلىق مائارىپ مەشغۇلات خادىملىرى، ئۇچۇر تېىنىكىسىنى ئۆگىنىش قىزغىنلىقى بولغان دېھقان-چارۋىچىلار شۇنداقلا ئىقتىساد بىرلەشمىسى تەشكىلىنىڭ مەسئۇللىرى، كەنت تەشكىلىي كادىرلىرى، باقمىچىلىق چوڭ ئائىلىلىرى، بېيىشقا باشلامچىلىق قىلغۇچىلار، دېھقان ۋاستىچىلارنى ئۆز ئىچىگە ئالىدۇ، تەربىيلەش مەزمۇنى بولسا كومپيۇتېر ئاساسىي بىلىملىرى، خەنزۇچە خەت كىرگۈزۈش ئۇسۇلى، ئىنتېرنېت بىلىملىرى، ئۇچۇر ئىزدەش ۋە چۈشۈرۈش، بايىنغولىن ئوبلاستىنىڭ يېزا ئىقتىساد ئۇچۇر تورىنى ئىشلىتىش، يېزا-ئىگىلىك قوشۇمچە مەھسلاتلىرىنىڭ تەمىنلەش-تەلەپ ئۇچۇرلىرىنى توردا ئېلان قىلىش قاتارلىقلارنى ئۆز ئىچىگە ئالىدۇ.

كۇرسانتلارغا يېتەكچىلىك قىلىنماقتا

      بۇ قېتىمقى تەربىيلەش كۇرسى ئارقىلىق، دېھقان-چارۋىچى ئامما ئاساسىي كومپيوتېر مەشغۇلات تېخنىكىسىنى ئىگىلەپ، توردىن پايدىلىنىپ ئۇچۇرغا ئىگە بولۇش ئېڭى ۋە قابىلىيىتى يۇقىرى كۆتۈرۈلدى.