10-ئاينىڭ 21-كۈنى، ئوبلاستلىق قۇرۇلۇش ئىدارىسىنىڭ مۇئاۋىن باشلىقى لى بىن، ئوبلاستلىق قۇرۇلۇش ئىدارىسى يەر تەۋرەشكە چىداملاشتۇرۇپ مۇستەھكەملەش ئىشخانىسىنىڭ مۇدىرى لى فېڭلەن ناھىيەمىزنىڭ مۇھىم قۇرۇلۇشى بولغان يەر تەۋرەشكە چىداملاشتۇرۇپ مۇستەھكەملەپ ئۆزگەرتىش (يېڭىلاش) تۈرىنى تەكشۈردى ھەمدە سەھىيە، مائارىپ سېستىمىسىدىكى يەر تەۋرەشكە چىداملاشتۇرۇپ مۇستەھكەملەش تۈرىگە مەسئۇل خادىملارنى چاقىرىپ يىغىن ئاچتى، ناھىيەلىك سىياسىي كېڭەشنىڭ مۇئاۋىن رەئىسى، قۇرۇلۇش ئىدارىسىنىڭ باشلىقى جىن شىن يىغىنغا قاتناشتى.
يىغىندا ئاپتونوم رايونلۇق قۇرۇلۇش نازارىتىنىڭ يەر تەۋرەشكە چىداملاشتۇرۇپ مۇستەھكەملەش تۈر مەبلىغى بىلەن باشقا تۈر مەبلەغلىرىنى باغلاپ ئىشلىتىش توغرىسىدىكى بەلگىلىمە يەتكۈزۈلۈپ، سەھىيە، مائارىپ سېستىمىلىرىدىن يەر تەۋرەشكە چىداملاشتۇرۇپ مۇستەھكەملەش قۇرۇلۇشى خىزمىتىنى ياخشى ئىشلىشىنى، ناھىيەلىك قۇرۇلۇش ئىدارىسىدىن سۈپەت بىخەتەرلىكنى نازارەت قىلىپ تەكشۈرۈش ۋە ئالاقىدار ئۇچۇرلارنى ستاتىستىكا قىلىش خىزمىتىنى ياخشى ئىشلەشنى تەلەپ قىلدى.
نۆۋەتتە، ناھىيەمىزنىڭ يەر تەۋرەشكە چىداملاشتۇرۇپ مۇستەھكەملەش قۇرۇلۇشىنىڭ ئىش باشلاش كۆلىمى 26 مىڭ كۋادرات مېتىرغا يېتىپ، يىل بېشىدا ئاپتونوم رايون بېكىتكەن 23 مىڭ كۋدرات مېتىرلىق ۋەزىپىنى ئاشۇرۇپ ئورۇنلىدى.
