ناھىيەمىز ئىش ئورنىدىن قالغان ئىشسىز خادىملارنىڭ جانلىق ئىشقا ئورۇنلىشىشىغا مەدەت بېرىش ئۈچۈن، ئەمگەك ئىجتىمائىي كاپالەت تارمىقى تولۇقلىما ياردەم پۇل سىياسىتىنى كەڭ كۆلەمدە تەشۋىق قىلىش، تولۇقلىما ياردەم پۇل تەرتىپىنى ئاددىيلاشتۇرۇش ۋە ئەلالاشتۇرۇش، تولۇقلىما ياردەم پۇلىنىڭ شەرتى ۋە ئۆلچىمىنى چىڭىتىش قاتارلىق تەدبىرلەر ئارقىلىق، ئىش ئورنىدىن قالغان ئىشسىز خادىملاردىن جانلىق ئىشقا ئورۇنلاشقۇچىلارغا ئىجتىمائىي كاپالەت تولۇقلىما ياردەم پۇلى تارقىتىپ بەردى. نۆۋەتتە، 107 نەپەر جانلىق ئىشقا ئورۇنلاشقۇچىلارغا ئىجتىمائىي كاپالەت تولۇقلىما ياردەم پۇلى تارقىتىپ بېرىلدى. بۇنداق بولغاندا ئىش ئورنىدىن قالغان ئىشسىز خادىملارنىڭ ئىجتىمائىي كاپالەت سۇغۇرتىسىنى تاپشۇرۇش يۈكىنى يېنىكلىتىپ، ئۇلارنىڭ ھەق تاپشۇرۇش ئەندىشىسىنى ھەل قىلىپ، ئىجتىمائىي كاپالەت سۇغۇرتا پۇلىنى داۋاملىق تاپشۇرۇش ئاكتىپچانلىقىنى يۇقىرى كۆتۈرۈپلا قالماستىن، يەنە ئىشقا ئورۇنلىشىدىغان ئاجىز ئاممىنىڭ تۈپ مەنپەئەتىگە بىۋاستە چېتىشلىق بولۇپ، ئىشقا ئورۇنلىشىش ۋەزىيىتىنىڭ مۇقىملىقى ۋە جەمئىيەتنىڭ ئىناقلىقىغىمۇ مۇناسىۋەتلىكتۇر.
