يېقىندا ناھىيەلىك خەلق ھۆكۈمىتىنىڭ ئوت ئۆچۈرۈش، ئوتتىن مۇداپىئەلىنىش بىخەتەرلىك چوڭ تەكشۈرىشى، چوڭ تەرتىپكە سېلىش خىزمەت ئورۇنلاشتۇرىشى ۋە يىل بېشىدىكى ئوبلاستلىق ساياھەت ئىدارىسى بىلەن ئىمزالاشقان «ساياھەت بىخەتەرلىكى نىشانلىق باشقۇرۇش مەسئۇلىيەتنامىسى» دىكى تەلەپكە ئاساسەن، ناھىيەلىك ساياھەت ئىدارىسى باش بولۇپ ناھىيەلىك ج خ ئىدارىسى ئوت ئۈچۈرۈش ئەترىتى، بىخەتەر ئىشلەپچىقىرىشنى نازارەت قىلىش ئىدارىسى، سەھىيە ئىدارىسى ۋە قاتناش ئىدارىسى بىلەن بىرلىكتە 8-ئاينىڭ 10-كۈنىدىن 11-كۈنىگىچە ناھىيەدىكى 9 ساياھەت مەنزىرە نۇقتىسى، يۇلتۇز دەرىجىلىك مېھمانخانا، يۇلتۇز دەرىجىلىك دېھقانلار شاتلىقى ئارامگاھى، مەنزىرە ئارامگاھلىرىنىڭ بىخەتەرلىكىگە قارىتا ئومۇميۈزلۈك تەكشۈرۈش ئېلىپ باردى.

ناھىيەمىزدە ساياھەت بىخەتەرلىك تەكشۈرىشى ئېلىپ بېرىلدى

يورۇتۇش چىراقلىرى تەكشۈرۈلدى

ئوت ئۆچۈرۈش ئوتتىن مۇداپىئەلىنىش ئەسلىھەلىرى تەكشۈرۈلدى

      تەكشۈرۈش خىزمىتى چوڭقۇر ئىنچىكە ئېلىپ بېرىلىپ، تەكشۈرۈش داۋامىدا بايقالغان مەسىلىلەر بولۇپمۇ بىرقەدەر گەۋدىلىك مەسىلىلەر ۋە بىخەتەرلىك يۇشۇرۇن خەۋپلىرى ئېنىق ئوتتۇرىغا قويۇلدى ھەمدە ئۆزگەرتىشنامە چۈشۈرۈپ، چەكلىك مۇددەت ئىچىدە ئۆزگەرتىشكە بۇيرۇلدى.

      بۇ قېتىمقى تەكشۈرۈش ئوت ئۆچۈرۈش بىخەتەرلىكىنى ئاساس قىلغان بولسىمۇ، بىراق ساياھەت بىخەتەرلىكىنىڭ ھەرقايسى تەرەپلىرىنى ئۆز ئىچىگە ئالغان بولۇپ، كۆزلىگەن مەقسەتكە يېتىلىپ، ياخشى ئۈنۈم قولغا كەلدى. شۇنىڭ بىلەن بىرگە يەنە ساياھەت ئىدارىسى «2010-يىللىق ساياھەت كەسىپلىرىگە قارىتا ئوت ئۆچۈرۈش ئوتتىن مۇداپىئەلىنىش بىخەتەرلىك چوڭ تەكشۈرىشى، چوڭ تەرتىپكە سېلىش خىزمىتىنى يولغا قويۇش لايىھەسى» نى تۈزۈپ ھەم تارقىتىپ، ساياھەت كەسپىنىڭ پۈتۈن يىللىق بىخەتەر ئىشلەپچىقىرىشىنى باشقۇرۇش نىشانىنى ئەمەلگە ئاشۇرۇش ئۈچۈن ياخشى ئاساس تىكلىدى.