يېقىندا، لوپنۇر ناھىيەلىك مائارىپ سېستىمىسى 12 نەپەر ئوقۇتقۇچىنى ”مىللەتلەر ئىتتىپاقلىقى بويىچە ئۈلگە كۆرسىتىش دەرسى“ ئۆتۈش مۇسابىقىسىگە قاتنىشىشقا ئەۋەتكەن بولۇپ، بۇنىڭ ئىچىدە لوپنۇر ناھىيەلىك 1-باشلانغۇچ مەكتەپ يوللىغان ”56 مىللەت بىر ئائىلە كىشىلىرى“ ئاساسىي تېما قىلىنغان مىللەتلەر ئىتتىپاقلىقى دەرسلىكى ئاپتونوم رايونلۇق مائارىپ نازارىتى تەرىپىدىن تاللىنىپ، شىنجاڭ تەۋەسىدە ئۈلگە كۆرسىتىش دەرسلىكى قاتارىدا كېڭەيتىلمەكچى.
مەلۇماتلارغا قارىغاندا يېقىنقى يىللاردىن بۇيان، لوپنۇر ناھىيەلىك مائارىپ ئىدارىسى مىللەتلەر ئىتتىپاقلىقى تەربىيىسى خىزمىتىنى ياخشى ئىشلەش ئۈچۈن «لوپنۇر ناھىيەلىك مائارىپ سېستىمىسىنىڭ مىللەتلەر ئىتتىپاقلىقى تەربىيىسىنى يولغا قويۇش لايىھەسى» نى ئوتتۇرىغا چىقىرىپ، مىللەتلەر ئىتتىپاقلىقى تەشۋىق تەربىيىسى پائالىيىتى رەھبەرلىك گۇرۇپپىسى تەسىس قىلىندى، ھەمدە ئاپتونوم رايوننىڭ تەلىپى بويىچە مىللەتلەر ئىتتىپاقلىقى تەربىيىسى دەرسلىكلىرىنى ئەتراپلىق، تولۇق ئورۇنلاشتۇرۇپ، دەرسخانىنىڭ ئاساسىي قاناللىق رولىنى تولۇق جارى قىلدۇردى. نۆۋەتتە ئوتتۇرا، باشلانغۇچ مەكتەپ ئوقۇتقۇچى-ئوقۇغۇچىلار ئارىسىدا مىللەتلەر ئىتتىپاقلىقىدىكى ”قوشماق“ تىن 488 جۈپ، ئوقۇغۇچىلار ئارىسىدا ”قولنى قولغا تۇتۇشۇش“ قوشماقتىن 3704 جۈپ، يىللىقلار ئارا قوشماقتىن 114 جۈپ، باشقا شەكىلدىكى قوشماقتىن 23 جۈپ بار.
