7-ئاينىڭ 12-كۈنى، جېجياڭ ئۆلكىسى نىڭبو شەھەرلىك سىياسىي كېڭەشنىڭ رەئىسى ۋاڭ جوخۈي نىڭبو شەھەرلىك پارتكوم، ھۆكۈمەت ۋەكىللەر ئۆمىكىنى باشلاپ ناھىيەمىزدە تەكشۈرۈشتە بولدى
جېجياڭ ئۆلكىسى نىڭبو شەھەرلىك سىياسىي كېڭەشنىڭ رەئىسى ۋاڭ جوخۈي تەشكىللىكىدىكى نىڭبو شەھەرلىك پارتكوم، ھۆكۈمەت ۋەكىللەر ئۆمىكى لوپنۇر ناھىيەلىك پارتكومنىڭ شۇجىسى ليۇ فۇلىن، ناھىيەلىك پارتكومنىڭ مۇئاۋىن شۇجىسى، ھاكىم ئابلىمىت ئابلەت قاتارلىق ناھىيەلىك تۆت چوڭ رەھبەرلىك بەنزىسدىكى ئاساسلىق رەھبەرلەرنىڭ ھەمراھلىقىدا لوپنۇرلۇقلار كەنتىنى ئېكسكۇرسىيە قىلدى
لوپنۇر خەلق ناخشىسىدىن ھۇزۇرلىنىش
ۋەكىللەر ئۆمىكى لوپنۇرلۇقلار كەنتىنى ئېكسكۇرسىيە قىلدى ھەم لوپنۇرلۇقلارنىڭ ئېسل مىللىي ناخشا-ئۇسسۇللىرىدىن ھۇزۇرلاندى. لوپنۇرلۇقلار كەنتى دۆڭقوتان يېزىسى چىگرىسى ئىچىگە جايلاشقان بولۇپ، ئۆزگىچە مىللىي ئۆرپ-ئادەت ئەۋزەللىكىگە ئىگە، سەيلە-ساياھەت، ئېكولوگىيە ۋە تارىخىي قىممىتى بىر گەۋدىلەشكەن، شىنجاڭدىكى ئەڭ ئۆزگىچىلىككە ئىگە ۋە تەرەققىيات يۇشۇرۇن كۈچى زور ساياھەت مەنزىرە رايونلىرىنىڭ بىرى. بىپايان قۇملۇق، مېھماندوست لوپنۇر خەلقى ۋەكىللەر ئۆمىكىدە چوڭقۇر تەسىر قالدۇردى، ئۇلار بەس-بەستە لوپنۇرنىڭ ئۆزگىچىلىكىنى ۋە ئۇنىڭدىن ئالغان تەسىراتىنى يۇرتىغا ئېلىپ كېتىپ، يۇرتداشلىرىنى لوپنۇرغا بىر كېلىپ كۆرۈپ كېتىشكە دەۋەت قىلىدىغانلىقىنى بىلدۈرۈشتى.
