7-ئاينىڭ 3-كۈنى چۈشتىن بۇرۇن، ئاپتونوم رايونلۇق ساياھەت ئىدارىسى پارتگۇرۇپپىسىنىڭ شۇجىسى چى چوڭچىڭ ئوبلاستلىق پارتكوم دائىمىي كومىتېتىنىڭ ئەزاسى ئەركىن تۇرسۇن، مۇئاۋىن ئوبلاست باشلىقى جاڭ دوڭبىن ۋە ئوبلاستلىق ساياھەت ئىدارىسى رەھبەرلىرىنىڭ ھەمراھلىقىدا ناھىيىمىزگە كېلىپ، لوپنۇرلۇقلار كەنتى ساياھەت مەنزىرە رايونىدا تەكشۈرۈش ۋە تەتقىق قىلىشتا بولدى. ناھىيەلىك پارتكومنىڭ مۇئاۋىن شۇجىسى، ھاكىم ئابلىمىت ئابلەت، ناھىيەلىك پارتكومنىڭ مۇئاۋىن شۇجىسى، تەشۋىقات بۆلىمىنىڭ باشلىقى ساۋ شىنتيەن، مۇئاۋىن ھاكىم بەي پىڭ قاتارلىق ناھىيە رەھبەرلىرى قىزغىن كۈتىۋالدى ھەمدە لوپنۇرلۇقلار كەنتى ساياھەت مەنزىرە رايونىنىڭ تەرەققىيات ئەھۋالىنى تەپسىلىي دوكلات قىلدى.

لوپنۇرلۇقلار كەنتى ساياھەت مەنزىرە رايونىدىكى مەنزىرە نۇقتىلىرىنىڭ جايلىشىش خەرىتىسىنى كۆردى

      چى چوڭچىڭ شۇجى لوپنۇرلۇقلار كەنتىدە يېڭىدىن سېلىنغان چوڭ دەرۋازىدىكى ئۇنىۋېرسال مۇلازىمەت رايونى ۋە ساياھەت ھاجەتخانىسىنى كۆزدىن كەچۈردى، ھەمدە يېڭىدىن سېلىنغان ساياھەت ھاجەتخانىسى قۇرۇلىشىغا قارىتا مۇنداق تەلەپ ئوتتۇرىغا قويدى: لوپنۇرلۇقلار كەنتى مەنزىرە رايونى 2010-يىل ساياھەت ھاجەتخانىسى مەخسۇس تۈر مەبلىغى ئىلتىماس قىلمىغان ئەھۋالدا بىرىنچى بولۇپ ئاپتونوم رايوننىڭ ساياھەت ھاجەتخانىسىنى يېڭىدىن قۇرۇش ۋەزىپىسىنى تاماملىغان مەنزىرە رايونىدۇر، شۇڭا قۇرۇلۇشىنىڭ سۈپەت ئۆتكىلىنى چىڭ تۇتۇپ، مەنزىرە رايونىنىڭ مۇلازىمەت دەرىجىسىنى يەنىمۇ يۇقىرى كۆتۈرۈش لازىم.

چى چوڭچىڭ شۇجى ئوبلاست، ناھىيە رەھبەرلىرى بىلەن بىرلىكتە يېڭىدىن سېلىنغان چوڭ دەرۋازا ئالدىدا خاتىرە سۈرەتكە چۈشتى

      كەينىدىن چى چوڭچىڭ شۇجى 2010-يىلى يېڭىدىن سېلىنغان ھاياتلىق سۇپىسى، ئويۇن سەھنىسى، قۇملۇق ئۆتىڭى قاتارلىق مەنزىرە نۇقتىلىرىنى كۆزدىن كەچۈرۈپ، مەنزىرە رايونىنىڭ تەرەققىياتىغا زور ئۈمىد باغلىدى. 

تەكشۈرۈش ۋە تەتقىق قىلىش داۋامىدا چى چوڭچىڭ شۇجى لوپنۇرنىڭ ئەۋزەل تەبىئىي قۇملۇق، توغراق مەنزىرىسى بار، ھەر دەرىجىلىك خەلق ھۆكۈمىتى ۋە ساياھەت تارماقلىرىنىڭ زور كۈچ بىلەن قوللىشى، يېتەكچىلىك ھەم ياردەم قىلىشى ئاستىدا، چوقۇم شىنجاڭ شۇنداقلا دۆلەت بويىچە ئېسىل ساياھەت مەنزىرە رايونىغا ئايلىنالايدىغانلىقىنى بىلدۈردى.