6-ئاينىڭ 29-كۈنى، باي ناھىيىلىك پارتكوم ھۆكۈمەت تەكشۈرۈش ئۆمىكى باي ناھىيىلىك پارتكومنىڭ مۇئاۋىن شۇجىسى، ھاكىم ئاينۇر مەخسۇتنىڭ يېتەكچىلىكىدە ناھىيىمىزگە كېلىپ، ناھىيىمىزنىڭ شەھەر قۇرۇلۇشى ۋە يېڭى يېزا قۇرۇلۇشى خىزمىتىنى كۆزدىن كەچۈردى. ناھىيىلىك پارتكومنىڭ مۇئاۋىن شۇجىسى، ھاكىم ئابلىمىت ئابلەت، ناھىيىلىك خەلق قۇرۇلتىيى دائىمىي كومىتېتىنىڭ مۇئاۋىن مۇدىرى رېيىم مامۇت، مۇئاۋىن ھاكىم بەي پىڭ، ناھىيىلىك سىياسىي كېڭەشنىڭ مۇئاۋىن رەئىسى، قۇرۇلۇش ئىدارىسىنىڭ باشلىقى جىن شىن قاتارلىق رەھبەرلەر كۆزدىن كەچۈرۈش داۋامىدا ھەمراھ بولدى. 

باي ناھىيىلىك پارتكومنىڭ مۇئاۋىن شۇجىسى، ھاكىم ئاينۇر مەخسۇت (ئوڭدىن بىرىنچىسى) داشى كەنتىنى كۆزدىن كەچۈردى

      داشى كەنتىدە، تەكشۈرۈش ئۆمىكى داشى كەنتىنىڭ يېڭى يېزا قۇرۇلۇشىغا ئائىت ئەھۋال تونۇشتۇرىشىنى ئاڭلىدى، ”باش شۇجى خۇجىنتاۋنىڭ داشى كەنتىگە يازغان جاۋاب خەت خاتىرە تېشى“، داشى كۆرگەزمىخانىسى ۋە دېھقانلارنىڭ داچىلىرىنى ئېكىسكۇرسىيە قىلدى، ئاينۇر ھاكىم داشى كەنت كوللىكتىپ ئىقتىسادىي كىرىمىنىڭ 1 مىليون يۈەندىن ئاشىدىغانلىقىنى، كەنت ئەزالىرىنىڭ كىشى بېشى ئوتتۇرىچە كىرىمىنىڭ 10 مىڭ يۈەنگە يېتىدىغانلىقىنى بىلگىنىدە، ناھىيىمىزنىڭ داشى كەنتىنى ۋەكىل قىلغان سوتسىيالىستىك يېڭى يېزا قۇرۇلۇشىنى تولۇق مۇئەييەنلەشتۈردى ۋە يۇقىرى باھا بېرىپ، داشى كەنت قۇرۇلۇشىدىكى سوتسىيالىستىك يېڭى يېزا قۇرۇلۇشنىڭ ئۈلگىلىك تەجرىبىلىرىنى باي ناھىيىسىدە كەڭ كۆلەمدە تەشۋىق قىلىدىغانلىقىنى بىلدۈردى.

باي ناھىيىلىك پارتكوم ھۆكۈمەت تەكشۈرۈش ئۆمىكى شەھەر مەنزىرىسى بەلبىغىنى ئېكىسكۇرسىيە قىلدى

باي ناھىيىلىك پارتكوم ھۆكۈمەت تەكشۈرۈش ئۆمىكى شەھەر مەنزىرىسى بەلبىغىنى ئېكىسكۇرسىيە قىلدى

باي ناھىيىلىك پارتكوم ھۆكۈمەت تەكشۈرۈش ئۆمىكى 6-نومۇرلۇق مەھەللىدىكى ئەرزان ئىجارىلىك ئۆيلەرنى ئېكىسكۇرسىيە قىلدى

ئاينۇر ھاكىم ناھىيىمىزنىڭ شەھەر قۇرۇلۇشى ۋە يېڭى يېزا قۇرۇلۇشى خىزمىتىگە يۇقىرى باھا بەردى

      كەينىدىنلا تەكشۈرۈش ئۆمىكى ناھىيىمىزنىڭ يىنخۇا مەھەللىسى، شەھەر مەنزىرىسى بەلبىغى، 6-نومۇرلۇق مەھەللىدىكى ئەرزان ئىجارىلىك ئۆيلەرنى ئېكىسكۇرسىيە قىلدى، ناھىيىلىك سىياسىي كېڭەشنىڭ مۇئاۋىن رەئىسى، قۇرۇلۇش ئىدارىسىنىڭ باشلىقى جىن شىن ئەھۋاللارنى تونۇشتۇردى. يېقىنقى بىرقانچە يىلدىن بۇيان، ناھىيىمىز شەھەرنىڭ ئۇنىۋېرسال كۆتۈرۈش ئىقتىدارىنى يۇقىرى كۆتۈرۈش، تۇرالغۇ مۇھىتنى ياخشىلاش، تۇرۇشقا باب كېلىدىغان ناھىيە بازىرى بەرپا قىلىشنى نىشان قىلىپ، شەھەر ئومۇمىي پىلانىنى ئىنچىكىلەشتۈرۈپ ۋە مۇكەممەللەشتۈرۈپ، شەھەر قۇرۇلۇشىغا بولغان سېلىنمىنى زورايتتى. 2006-يىلدىن بۇيان، ئىلگىرى-كېيىن بولۇپ 2 مىليارد يۈەندىن ئارتۇق مەبلەغ سېلىنىپ، شەھەر قۇرۇلۇش قەدىمى ۋە تۇرالغۇ ئۆي كاپالەت قۇرۇلۇشى كۈچەيتىلىپ، ئەرزان ئىجارىلىك ئۆي قۇرۇلۇشى، كورلىدىن لوپنۇرغا ئىچىملىك سۇ يەتكۈزۈش، تەبىئىي گازنى ئائىلىلەرگە يەتكۈزۈش، شەھەر يولى، شەھەرنى كۆكەرتىش، شەھەر مەنزىرىسى بەلبىغى قاتارلىق بىر تۈركۈم قۇرۇلۇشلار كەينى-كەينىدىن پۈتكۈزۈلدى. ناھىيە بازىرىنىڭ ئومۇمىي قىياپىتى زور دەرىجىدە ياخشىلىنىپ، تۇرالغۇ مۇھىتىنىڭ سۈپىتى يۇقىرى كۆتۈرۈلۈپ، 2009-يىلى ئاپتونوم رايون دەرىجىلىك ”باغچىلاشقان ناھىيە بازىرى“ دەپ باھالاندى.

      ئاخىرىدا، ئاينۇر ھاكىم ناھىيىمىزنىڭ شەھەر قۇرۇلۇشى ۋە يېڭى يېزا قۇرۇلۇشى خىزمىتىگە يۇقىرى باھا بەردى ھەمدە نۇرغۇنلىغان تەجرىبىلەرنىڭ ئۆگىنىشكە ئەرزىيدىغانلىقىنى، ھەمدە ئىككى تەرەپنىڭ ئالاقە ۋە ھەمكارلىقنى كۈچەيتىپ، تەرەققىيات يولىدا قول تۇتۇشۇپ تەڭ ئىلگىرلەشنى ئۈمىد قىلىدىغانلىقىنى بىلدۈردى.