6-ئاينىڭ 20-كۈنى، لوپنۇر ناھىيىسىدە ”لوپنۇر مەشرىپى“ ئۆتكۈزۈلۈپ، كەڭ ئاممىنىڭ مەنىۋى مەدەنىيەت تۇرمۇشى يەنىمۇ بېيىتىلدى.
ناھىيىمىزدە ”لوپنۇر مەشرىپى“ ئۆتكۈزۈلۈلدى
مەشرەپ مەيدانىدىن كۆرۈنۈش
ناھىيىلىك پارتكومنىڭ مۇئاۋىن شۈجىسى، ھاكىم ئابلىمىت ئابلەت تەبرىك سۆزى قىلدى
مەشرەپكە ئاپتونوم رايونلۇق پارتكومنىڭ سابىق مۇئاۋىن شۈجىسى، ئاپتونوم رايونلۇق ياشانغانلار تەنتەربىيە جەمئىيىتىنىڭ رەئىسى قېيىم باۋۇدۇن، سىياسىي كېڭەش شىنجاڭ ئۇيغۇر ئاپتونوم رايونلۇق 8-نۆۋەتلىك كومىتېتىنىڭ مۇئاۋىن رەئىسى غۇپۇر ئابدۇللا قاتارلىق ئاپتونوم رايون، ئاپتونوم ئوبلاستنىڭ رەھبەرلىرى تەكلىپ قىلىندى، ناھىيىلىك پارتكومنىڭ شۈجىسى ليۇ فۇلىن، ناھىيىلىك پارتكومنىڭ مۇئاۋىن شۈجىسى، ھاكىم ئابلىمىت ئابلەت، ناھىيىلىك خەلق قۇرۇلتىيى دائىمىي كومىتېتىنىڭ مۇدىرى رىشىت مىيىن، سىياسىي كېڭەشنىڭ رەئىسى ليۇ جىنجىڭ قاتارلىق ناھىيىلىك تۆت چوڭ رەھبەرلىك بەنزىسىنىڭ رەھبەرلىرى ھەمراھ بولدى.
«لوپنۇر سەنىمى»
«ئىككى مەھەللە قوشىقى»
«توي مەشرىپى»
«توغراق ئانا»
«لەڭ قوشىقى»
«لوپنۇرغا كېلىپ كېتىڭ»
«لوپنۇرغا كېلىپ كېتىڭ»
مەشرەپ ئالدى بىلەن كوللىكتىپ ئۇسسۇل «لوپنۇر سەنىمى» بىلەن باشلاندى. «توي مەشرىپى»، «گۈل داشى»، «قىزىل گۈلۈم»، «توغراق ئانا» قاتارلىق نومۇرلار ئارقىلىق ناھىيىدىكى ھەرمىللەت ئاممىسىنىڭ بەختلىك، ئىناق يۇرت بەرپا قىلىشقا بولغان گۈزەل ئارزۇ-ئارمانلىرى نامايەندە قىلىنىپ، مەيداندىكى تاماشىبىنلارنىڭ قىزغىن ئالقىشىغا ئېرىشتى. ئەڭ ئاخىرىدا ئورۇندالغان «لوپنۇرغا كېلىپ كېتىڭ» دېگەن نومۇر مەشرەپنى تېخىمۇ يۇقىرى پەللىگە كۆتۈرۈپ، مەشرەپ قىزغىن ھەم يۇقىرى كەيپىيات ئىچىدە ئاياقلاشتى.
خاتىرە سۈرەت
مەشرەپنىڭ پۈتكۈل جەريانى ئۇيغۇر مىللىتىنىڭ قۇيۇق ئۆزگىچىلىكى بىلەن تولغان بولۇپ، بايىنغولىن موڭغۇل ئاپتونوم ئوبلاستلىق 7-نۆۋەتلىك ”شەرققە قايتىش نادام بايرىمى“ ئاز سانلىق مىللەتلەر ئەنئەنىۋى تەنھەرىكەت يىغىنى ۋە لوپنۇر ناھىيىلىك 2-نۆۋەتلىك ”لوپنۇر مىللىي ئۆرپ-ئادەت مەدەنىيەت ساياھەت بايرىمى“ نى تەبرىكلەش كەيپىياتى تولۇپ تاشقان. شۇنداقلا ناھىيىمىز ھەرمىللەت خەلقىنىڭ ناھىيىلىك پارتكوم، ناھىيىلىك خەلق ھۆكۈمىتىنىڭ توغرا رەھبەرلىكىدە بىر نىيەتتە ئىتتىپاقلىشىپ، جاسارەت بىلەن ئالغا ئىلگىرلەپ، ئومۇميۈزلۈك ھاللىق لوپنۇر، ئېكولوگىيىلىك لوپنۇر، ئامان لوپنۇر، ئىناق لوپنۇر قۇرۇش ئىرادىسى ۋە ئىشەنچىسىنى تولۇق نامايەندە قىلغان.
