1-ئاينىڭ7-كۈنى چۈشتىن بۇرۇن، ھەيۋەتلىك دۆلەت شېئىرى ساداسى ئىچىدە ناھىيىلىك 15-نۆۋەتلىك 3-يىغىنى ناھىيىلىك يىغىن مەركىزىدە داغدۇغىلىق ئېچىلدى. ناھىيىلىك پارتكومنىڭ شۇجىسى لىيۇ فۇلىن، خەلق قۇرۇلتىيى دائىمىي كومىتېتىنىڭ مودىرى رىشىت مىيىن، ناھىيىلىك پارتكومنىڭ مۇئاۋىن شۇجىسى، ھاكىم ئابلىمىت ئابلەت، ناھىيىلىك سىياسىي كېڭەشنىڭ رەئىسى لىيۇ جېنجىڭ، خەلق قۇرۇلتىيى دائىمىي كومىتېتى پارتگۇرۇپپىسىنىڭ شۇجىسى كاڭ يۈشىن، ناھىيىلىك پارتكومنىڭ مۇئاۋىن شۇجىسى، سىياسىي كېڭەش پارتگۇرۇپپىسىنىڭ شۇجىسى، سىياسىي قانۇن كومىتېتىنىڭ شۇجىسى دىڭ فىڭ قاتارلىقلار رەئىس سەھنىسىدىن ئورۇن ئالدى. پۈتۈن ناھىيە بۇيىچە 120 نەپەر ھەر مىللەت ۋەكىللەر يىغىنغا قاتناشتى.  

                                         ناھىيىلىك 15-نۆۋەتلىك 3-يىغىنى نەق مەيدانى

                                 يىغىن ھەيۋەتلىك دۆلەت شېئىرى ساداسى ئىچىدە باشلاندى

                               ھاكىم ئابلىمىت ئابلەت ھۆكۈمەت خىزمىتىدىن دوكلات بەردى

                       ھەر مىللەت ۋەكىللەر ھۆكۈمەت خىزمىتىدىن دوكلاتنى ئەستايىدىل ئاڭلىماقتا

يىغىندا، ھاكىم ئابلىمىت ئابلەت ھۆكۈمەت خىزمىتىدىن دوكلات بەردى.دوكلاتتا 2009-يىلغا نەزەر سالساق، بىر يىلدىن بۇيان، بىز ئوبلاستلىق پارتكۇم، خەلق ھۆكۈمىتى ۋە ناھىيىلىك پارتكومنىڭ كۈچلۈك رەھبەرلىكىدە، ناھىيىلىك خەلق قۇرۇلتىيىنىڭ دائىمىي كوموتېتى، سىياسىي كېڭەشنىڭ نازاراتچىلىكى ۋە قوللىشى ئاستىدا، ناھىيىدىكى ھەر مىللەر كادىرلىرى ۋە ئاممىنى ئىتىپاقلاشتۇرۇپ ۋە يىتەكلەپ، بىر قولدا ئىتىپاقلىقنى ۋە مۇقىملىقىنى، بىر قولدا ئىقتىسادىي تەرەققىياتنى تۇتۇشتا چىڭ تۇرۇپ، ئىقتىسادنىڭ ئېشىشىغا، خەلق تۇرمۇشىغا ۋە مۇقىملىققا كاپالەتلىك قىلىشتىكى تۈرلۈك خىزمەتلەرنى پۈتۈن كۈچىمىز بىلەن ياخشى ئىشلەپ، ناھىيە ئقتىسادىنى مۇقىم روناق تاپقۇزۇپ، تۈرلۈك ئىشلارنى ماس ئالغا سىلجىتىپ، ئەل رايى قۇرۇلۇش ئارقىلىق خەلقنى نەپكە ئېرىشتۈرۈپ، ئىجتىمائىي ئومومىيەتنىڭ ئىناقلىقى ۋە مۇقىملىقىنى ساقلىدۇق.

2009-يىلى، خەلقئارا پۇل مۇئامىلە كىرزىسى ۋە ئۈرۈمچىدىكى«5-ئىيۇل» ۋەقەسىنىڭ قوش بېسىمى ئاستىدا، بىز قىيىنچىلىقلارنى تۈگىتىپ ئالغا ئىلگىرلەپ، ئەمەلىي ئۈنۈمنى قولغا كەلتۈرۈپ، ناھىيە ئىقتىسادىدا ئالدىنقى يىلدىكى يۇقۇرى تۈپ سان ۋە يۇقۇرى ئېشىشنى ساقلاپ قېلىش ئاساسىدا يېڭى بۈسۈشنى قولغا كەلتۈردۇق. مۆلچەرىمىزچە، لوپنۇر ناھىيىمىزنىڭ ئىشلەپچىقىرىش ئومومىي قىممىتى 2 مىلياد500مىليۇن يۈەنگە يىتىپ، %11.5 ئاشتى؛ يەرلىك مۇقىم مۈلۈك سېلىنمىسى 751 مىليۇن يۈەن بۇلۇپ، ئاپتونوم ئوبلاسىت چۈشۈرگەن ۋەزىپىدىن %32.9 ئاشۇرۇپ ئوروندىلىپ، «11-بەش يىللىق» پىلاندىكى بەش يىلدا جەمئىي 2 مىلياد 400 مىليۇن يۈەن ئورۇنداش نىشانى بىر يىل بۇرۇن تاماملاندى؛ مالىيە كىرىمى 170 مىليۇن يۈەنگە يىتىپ% 2.2 ئېشىپ، «11-بەش يىللىق» پىلاندىكى 127 مىليۇن يۈەن ئورۇنداش نىشانى 2 يىل بۇرۇن تاماملاندى؛ دېھقان-چارۋىچىلارنىڭ كىشى بېشى ساپ كىرىمى 7504 يۈەنگە يىتىپ، ئالدىنقى يىلدىكىدىن  1587 يۈەن ئېشىپ، «11-بەش يىللىق » پىلاندىكى 6500 يۈەنگە يەتكۈزۈش نىشانى بىر يىل بۇرۇن تاماملاندى.