1-ئاينىڭ 5-كۈنى ناھىيىلىك سىياسىي كېڭەش لوپنۇر ناھىيىلىك 13-نۆۋەتلىك 3-يىغىنىغا قاتنىشىدىغان سىياسىي كېڭەش ئەزالىرىنى ناھىيىلىك پارتكوم، خەلق ھۆكۈمىتى 2009-يىلى ئەمەلگە ئاشۇرغان 27تۈرلۈك ئەل رازى قۇرۇلۇشلارنى كۆزدىن كەچۈرۈشكە تەشكىللىدى.
ناھىيىلىك سىياسىي كېڭەش ئەزالىرى ناھىيىلىك 1-باشلانغۇچ مەكتەپنى كۆزدىن كەچۈردى
سىياسىي كېڭەش ئەزالىرى لىيۇ جىنجىڭ قاتارلىق ناھىيە رەھبەرلىرىنىڭ ھەمراھلىقىدا ئىلگىرى-كېيىن بۇلۇپ ناھىيىلىك پارتىيە مەكتەپ، ئارخىپ ئىدارىسى، 4-نۇمۇرلۇق ئولتۇراق رايۇن، ئوقوغوچىلار ياتىقى، ناھىيىلىك دوختۇرخانىنىڭ ئونۋىرسال داۋالاش ئامبولاتورىيەسى، شىڭ پىڭ ئۆستىڭى مەنزىرە بەلبىغى رايۇنىنىڭ 3-قارارلىق قۇرۇلۇشى، ناھىيىلىك 1-باشلانغۇچ مەكتەپ، 6-ئولتۇراق رايۇن، تارىم يېزىلىق دوختۇرخانىلارنى ئېكىسكورسىيە قىلدى. ھەمدە ھەر قايسى تۈر قۇرۇلۇشلىرىنىڭ ئېلىپ بېرىلىش، ئىشلىتىلىش ئەھۋالىنى تەپسىلىي ئىگەللىدى. 2009-يىلى يىل بېشىدا ناھىيىلىك پارتكوم، خەلق ھۆكۈمىتى خەلق ئاممىسىغا قىلىپ بېرىشقا ۋەدە قىلغان 27 تۈرلۈك نۇقتۇلۇق ئەل رازى قۇرۇلۇشلىرنىڭ بىر-بىرلەپ ئەمەلگە ئاشقانلىقىدىن ئەزالار ناھايىتى خۇرسەن بۇلۇشتى.
ناھىيىلىك سىياسىي كېڭەش ئەزالىرى تارىم دوختۇرخانىسىنى كۆزدىن كەچۈردى
ناھىيىلىك سىياسىي كېڭەش ئەزالىرى ئىككىنچى ئوتتۇرا مەكتەپنى كۆزدىن كەچۈردى
كۆزدىن كەچۈرۈش پائالىيىتى ئارقىلىق ئەزالارنىڭ ناھىيىمىزنىڭ ئىقتىسادىي تەرەققىياتىغا بولغان چۈشەنچىسىنى چوڭقۇرلاشتۇرۇلدى ۋە بۇندىن كېيىن ئۆزلىرىنىڭ فونكىسىيەسىنى چوڭقۇر جارىي قىلدۇرۇپ، ناھىيە ئىقتىسادى جەمئىيەتنىڭ ماس قەدەمدە تەرەققىياتى ئۈچۈن تۆھپە قوشۇدىغانلىقىنى بىلدۈرۈشتى.
