3– پەسىللىك سانائەت ئىگىلىكىنىڭ ئەھۋالىنى ئېلان قىلىش يىغىنىدا سانائەت ۋە ئۇچۇرلاشتۇرۇش مىنىستىرلىكى ئىستېمال بۇيۇملىرى سانائىتى مەھكىمىسىنىڭ باشلىقى جاڭ لى: ‹‹ھازىر مەملىكەت بويىچە 638 سۈت مەھسۇلاتى كارخانىسىنىڭ ئىشلەپچىقىرىشى تەدرىجىي ئەسلىگە كەلدى››، دېدى.
جاڭ لى مۇنداق دېدى: ئالدىنقى ئايدىكىگە سېلىشتۇرغاندا كارخانىنىڭ ئىشلەپچىقىرىشتىن توختاش نىسبىتى %32 تىن %20كە ئازايدى. سېتىۋېلىنغان سۈت %28، سۈت مەھسۇلات مىقدارى %58، سۈت پاراشوكى مەھسۇلات مىقدارى %37 ئاشتى.
جاڭ لى مۇنداق دېدى: سۈت مەھسۇلاتلىرى كەسپىنى رەتكە سېلىش ۋە قېلىپلاشتۇرۇشتا ۋەزىپە يەنىلا مۈشكۈل. ئىشلەپچىقىرىش كارخانىلىرىدا مېلامىننى ئۆلچەش ئۈسكۈنىسى بىر قەدەر كەمچىل بولۇپ، كارخانىلار ناھايىتى كۆپ زېھنى ۋە تەننەرخىنى ئامالسىز سەرپ قىلىپ، تۈركۈملەر بويىچە تەكشۈرۈۋاتىدۇ، كارخانىلارنىڭ ئۆزىنى تەكشۈرۈش، خاتالىقنى تۈزىتىش ۋە تۈزۈمنى مۇكەممەللەشتۈرۈش ۋەزىپىسى مۈشكۈل.
