ﻳﯧﯖﯩﺪﯨﻦ ﻳﻮﻟﻐﺎ ﻗﻮﻳﯘﻟﻐﺎﻥ "ﺋﻪﻣﮕﻪﻙ ﺗﻮﺧﺘﺎﻣﻰﻗﺎﻧﯘﻧﻰ" ﺋﺎﺩﻩﻡ ﺋﯩﺸﻠﻪﺗﻜﯜﭼﻰ ﺋﻮﺭﯗﻧﻼﺭﻧﯩﯔ ﺋﻪﻣﮕﻪﻛﭽﯩﻠﻪﺭﻧﻰ ﺋﯩﺸﻠﯩﺘﯩﺶ ﯞﻩ ﺋﺎﺩﻩﻡ ﻛﯜﭼﻰﺑﺎﻳﻠﯩﻘﯩﻨﻰ ﺑﺎﺷﻘﯘﺭﯗﺵ ﺗﯜﺯﯛﻣﯩﮕﻪ ﺧﯧﻠﻰ ﭼﻮﯕﻘﯘﺭ ﺗﻪﺳﯩﺮ ﻛﯚﺭﺳﯩﺘﯩﺶ ﺑﯩﻠﻪﻥ ﺑﯩﺮﮔﻪ، ﺷﯘ ﺋﻮﺭﯗﻧﻼﺭﺑﯩﻠﻪﻥ ﺗﻮﺧﺘﺎﻡ ﺗﯜﺯﮔﻪﻥ ﺋﻪﻣﮕﻪﻛﭽﯩﻠﻪﺭﻧﯩﯔ ﺋﯩﻘﺘﯩﺴﺎﺩﯨﻲ ﮬﻮﻗﯘﻕ ﻣﻪﻧﭙﻪﺋﻪﺗﯩﻨﻰ ﻗﺎﻧﯘﻥ ﺋﺎﺭﻗﯩﻠﯩﻖﻗﻮﻏﺪﯨﺸﯩﻐﺎ ﺗﯜﺭﺗﻜﻪ ﺑﻮﻟﯩﺪﯗ.

    " ﺋﻪﻣﮕﻪﻙ ﺗﻮﺧﺘﺎﻣﻰ ﻗﺎﻧﯘﻧﻰ" ﺑﯘ ﻳﯩﻞ 1 - ﺋﺎﻳﻨﯩﯔ 1 - ﻛﯜﻧﯩﺪﯨﻦ ﺋﯧﺘﯩﺒﺎﺭﻩﻥ ﻳﻮﻟﻐﺎ ﻗﻮﻳﯘﻟﺪﻯ. ﻣﻪﺯﻛﯜﺭ ﻗﺎﻧﯘﻧﻨﯩﯔ ﺋﯧﻼﻥ ﻗﯩﻠﯩﭗ ﻳﻮﻟﻐﺎ ﻗﻮﻳﯘﻟﯩﺸﻰ، ﺋﻪﻣﮕﻪﻙ - ﺋﯩﺶ ﮬﻪﻗﻘﻰ ﻣﯘﻧﺎﺳﯩﯟﯨﺘﻰ ﺋﯚﻟﭽﯩﻤﯩﺪﻩ ﻛﯚﺭﯛﻧﻪﺭﻟﯩﻚ ﺋﯚﺯﮔﯩﺮﯨﺸﻠﻪﺭﻧﻰ ﭘﻪﻳﺪﺍ ﻗﯩﻠﯩﺶ ﺑﯩﻠﻪﻥﺑﯩﺮﮔﻪ، ﺋﺎﺩﻩﻡ ﺋﯩﺸﻠﻪﺗﻜﯜﭼﻰ ﺋﻮﺭﯗﻧﻼﺭﺩﯨﻦ ﺋﻪﻣﮕﻪﻛﭽﯩﻠﻪﺭﻧﻰ ﺋﯩﺸﻠﯩﺘﯩﺶ ﯞﻩ ﺋﺎﺩﻩﻡ ﻛﯜﭼﻰ ﺑﺎﻳﻠﯩﻘﯩﻨﻰﺑﺎﺷﻘﯘﺭﯗﺵ ﻗﺎﺗﺎﺭﻟﯩﻖ ﺟﻪﮬﻪﺗﻠﻪﺭﺩﻩ ﻳﯧﯖﻰ ﻗﺎﻧﯘﻧﻐﺎ ﺗﯧﺰﺩﯨﻦ ﻣﺎﺳﻠﯩﺸﯩﭗ، ﻧﯚﯞﻩﺗﺘﻪ ﻗﻮﻟﻠﯩﻨﯩﻠﯩﯟﺍﺗﻘﺎﻥﺋﻪﻣﮕﻪﻙ ﺗﻮﺧﺘﺎﻣﻰ ﯞﻩ ﺋﯩﭽﻜﻰ ﺑﺎﺷﻘﯘﺭﯗﺵ ﺗﯜﺯﯛﻣﻠﯩﺮﯨﻨﻰ ﻣﯘﻧﺎﺳﯩﭗ ﺗﻪﯕﺸﻪﭖ، ﺋﻪﻣﮕﻪﻙ - ﺋﯩﺶ ﮬﻪﻗﻘﻰﺗﻮﻗﯘﻧﯘﺷﻠﯩﺮﯨﺪﯨﻦ ﺳﺎﻗﻠﯩﻨﯩﭗ، ﻣﯘﯞﺍﭘﯩﻖ ﺋﻪﻣﮕﻪﻙ - ﺋﯩﺶ ﮬﻪﻗﻘﻰ ﻣﯘﻧﺎﺳﯩﯟﯨﺘﯩﻨﻰ ﺗﯘﺭﻏﯘﺯﯗﺷﻨﻰﺗﻪﻟﻪﭖ ﻗﯩﻠﯩﺪﯗ.

    ﻣﻪﺯﻛﯜﺭ ﻗﺎﻧﯘﻧﺪﺍ ﺋﺎﺩﻩﻡ ﺋﯩﺸﻠﻪﺗﻜﯜﭼﻰ ﺋﻮﺭﯗﻧﻨﯩﯔﺋﻪﻣﮕﻪﻛﭽﯩﻠﻪﺭﻧﯩﯔ ﺟﺎﻧﯩﺠﺎﻥ ﻣﻪﻧﭙﻪﺋﻪﺗﯩﮕﻪ ﺑﯩﯟﺍﺳﺘﻪ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﻐﺎﻥ ﻳﺎﻛﻰ ﯞﺍﺳﺘﯩﻠﯩﻚﭼﯧﺘﯩﻠﯩﺪﯨﻐﺎﻥ ﻗﺎﺋﯩﺪﻩ - ﺗﯜﺯﯛﻣﻠﻪﺭﻧﻰ ﺗﯘﺭﻏﯘﺯﯗﺵ ﻳﺎﻛﻰ ﭼﻮﯓ - ﭼﻮﯓ ﻗﺎﺭﺍﻟﻤﯩﻼﺭﻧﻰ ﭼﯩﻘﯩﺮﯨﺸﺘﺎﺋﯘﻧﻰ ﺋﯩﺸﭽﻰ - ﺧﯩﺰﻣﻪﺗﭽﯩﻠﻪﺭ ﻗﯘﺭﯗﻟﺘﯩﻴﻰ ﻳﺎﻛﻰ ﺧﺎﺩﯨﻤﻼﺭ ﻳﯩﻐﯩﻨﯩﻨﯩﯔ ﻣﯘﺯﺍﻛﯩﺮﯨﺴﯩﺪﯨﻦﺋﯚﺗﻜﯜﺯﮔﻪﻧﺪﯨﻦ ﻛﯧﻴﯩﻦ ﺋﺎﻧﺪﯨﻦ ﻣﯘﻧﺎﺳﯩﯟﻩﺗﻠﯩﻚ ﻻﻳﯩﮭﻪ ﯞﻩ ﭘﯩﻜﯩﺮﻟﻪﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺋﺎﻧﺪﯨﻦﺋﯘﻧﻰ ﺋﯩﺸﭽﯩﻼﺭ ﺋﯘﻳﯘﺷﻤﯩﺴﻰ ﻳﺎﻛﻰ ﺧﺎﺩﯨﻤﻼﺭ ﯞﻩﻛﯩﻠﻠﯩﺮﻯ ﺑﺎﺭﺍﯞﻩﺭ ﻣﯘﺯﺍﻛﯩﺮﯨﻠﯩﺸﯩﭗ ﺑﯧﻜﯩﺘﯩﺶ ﻻﺯﯨﻤﻠﯩﻘﻰﺗﻪﻟﻪﭖ ﻗﯩﻠﯩﻨﯩﺪﯗ. ﻗﺎﺋﯩﺪﻩ - ﺗﯜﺯﯛﻣﻠﻪﺭﻧﻰ ﻳﻮﻟﻐﺎ ﻗﻮﻳﯘﭖ ﺋﯩﺠﺮﺍ ﻗﯩﻠﯩﺶ ﺩﺍﯞﺍﻣﯩﺪﺍ، ﺋﯩﺸﭽﯩﻼﺭﺋﯘﻳﯘﺷﻤﯩﺴﻰ ﻳﺎﻛﻰ ﺧﺎﺩﯨﻤﻼﺭ ﺋﺎﺷﯘ ﻗﺎﺋﯩﺪﻩ - ﺗﯜﺯﯛﻣﻠﻪﺭﻧﻰ ﻣﻪﺯﻛﯜﺭ ﺋﻮﺭﯗﻧﻨﯩﯔ ﺋﻪﻣﻪﻟﯩﻴﯩﺘﯩﮕﻪﻣﺎﺱ ﻛﻪﻟﻤﻪﻳﺪﯗ، ﺩﻩﭖ ﻗﺎﺭﯨﺴﺎ، ﺋﺎﺩﻩﻡ ﺋﯩﺸﻠﻪﺗﻜﯜﭼﻰ ﺋﻮﺭﯗﻧﻐﺎ ﻣﻪﺯﻛﯜﺭ ﻗﺎﺋﯩﺪﻩ - ﺗﯜﺯﯛﻣﻨﻰﻗﺎﻳﺘﺎ ﻣﯘﺯﺍﻛﯩﺮﯨﻠﯩﺸﯩﭗ ﻣﯘﻛﻪﻣﻤﻪﻟﻠﻪﺷﺘﯜﺭﯛﺵ ﮬﻪﻗﻘﯩﺪﻩ ﺗﻪﻛﻠﯩﭗ ﺑﯧﺮﯨﺸﻜﻪ ﮬﻮﻗﯘﻗﻠﯘﻕ. ﺩﯦﻤﻪﻙ، ﺧﺎﺩﯨﻤﻼﺭﻧﯩﯔﺟﺎﻧﯩﺠﺎﻥ ﻣﻪﻧﭙﻪﺋﻪﺗﯩﮕﻪ ﺑﯩﯟﺍﺳﺘﻪ ﻣﯘﻧﺎﺳﯩﯟﻩﺗﻠﯩﻚ ﻗﺎﺋﯩﺪﻩ - ﺗﯜﺯﯛﻣﻠﻪﺭﻧﻰ ﺑﯧﻜﯩﺘﯩﺸﺘﻪ ﺋﺎﻟﺪﻯ ﺑﯩﻠﻪﻥﺋﯘﻧﻰ ﺋﺎﻣﻤﯩﻐﺎ ﺋﺎﺷﻜﺎﺭﯨﻼﺵ ﻻﺯﯨﻢ.   

   ﺑﯘﻧﺪﯨﻦ ﻛﯧﻴﯩﻦ ﺋﻪﻣﮕﻪﻛﭽﯩﻠﻪﺭﻧﯩﯔ ﺟﺎﻧﯩﺠﺎﻥ ﻣﻪﻧﭙﻪﺋﻪﺗﯩﮕﻪﭼﯧﺘﯩﻠﯩﺪﯨﻐﺎﻥ ﻗﺎﺋﯩﺪﻩ - ﺗﯜﺯﯛﻣﻠﻪﺭﻧﻰ ﺗﯘﺭﻏﯘﺯﯗﺷﺘﺎ ﻣﯘﻧﺪﺍﻕ ﺋﯜﭺ ﺧﯩﻞ ﺗﻪﻟﻪﭖ ﺑﻮﻳﯩﭽﻪ ﺋﯩﺶﻛﯚﺭﯛﻟﯩﺪﯗ: ﺑﯩﺮﯨﻨﭽﻰ، ﻣﻪﺯﻣﯘﻧﻰ ﻗﺎﻧﯘﻧﻐﺎ ﺋﯘﻳﻐﯘﻥ ﺑﻮﻟﯩﺪﯗ؛ ﺋﯩﻜﻜﯩﻨﭽﻰ، ﺩﯦﻤﯘﻛﺮﺍﺗﯩﻚ ﺗﻪﺭﺗﯩﭗﺑﻮﻳﯩﭽﻪ ﺋﯩﺶ ﻛﯚﺭﯛﻟﯩﺪﯗ؛ ﺋﯜﭼﯩﻨﭽﻰ، ﺧﺎﺩﯨﻤﻼﺭﻏﺎ ﺋﺎﺷﻜﺎﺭﻩ ﺋﯘﻗﺘﯘﺭﯗﻟﯩﺪﯗ.

   ﺋﺎﺩﻩﻡ ﺋﯩﺸﻠﻪﺗﻜﯜﭼﻰ ﺋﻮﺭﯗﻥ ﺋﻪﻣﮕﻪﻛﭽﯩﻠﻪﺭﻧﻰ ﺋﯩﺸﻠﯩﺘﯩﺸﺘﻪ " ﺋﻪﻣﮕﻪﻙ ﺗﻮﺧﺘﺎﻣﻰ ﻗﺎﻧﯘﻧﻰ" ﺩﺍ ﺑﻪﻟﮕﯩﻠﻪﻧﮕﻪﻥ ﻣﯚﮬﻠﻪﺕ ﺑﻮﻳﯩﭽﻪ ﺋﻪﻣﮕﻪﻛﭽﯩﻠﻪﺭ ﺑﯩﻠﻪﻥﺋﻪﻣﮕﻪﻙ ﺗﻮﺧﺘﺎﻣﻰ ﺋﯩﻤﺰﺍﻟﯩﺸﻰ ﺷﻪﺭﺕ. ﺑﯘﻧﯩﯖﺪﺍ ﺋﻪﻣﮕﻪﻛﭽﯩﻠﻪﺭ ﺑﯩﻠﻪﻥ ﻗﻪﺭﻩﻟﺴﯩﺰ ﺗﻮﺧﺘﺎﻡ ﺋﯩﻤﺰﺍﻻﺷﻘﺎﺗﻮﻏﺮﺍ ﻛﻪﻟﮕﻪﻧﺪﻩ، ﺗﻮﺧﺘﺎﻡ ﭼﻮﻗﯘﻡ ﻣﯘﻧﺎﺳﯩﯟﻩﺗﻠﯩﻚ ﺑﻪﻟﮕﯩﻠﯩﻤﯩﻠﻪﺭ ﺋﺎﺳﺎﺳﯩﺪﺍ ﺋﯩﻤﺰﺍﻟﯩﻨﯩﺸﻰ ﻻﺯﯨﻢ. ﺋﯘﻧﺪﺍﻕ ﻗﯩﻠﻤﯩﻐﺎﻧﺪﺍ، ﺋﺎﺩﻩﻡ ﺋﯩﺸﻠﻪﺗﻜﯜﭼﻰ ﺋﻮﺭﯗﻥ ﺋﻪﻣﮕﻪﻛﭽﯩﻠﻪﺭﮔﻪ ﮬﻪﺳﺴﯩﻠﻪﭖ ﺋﯩﺶ ﮬﻪﻗﻘﻰ ﺑﯧﺮﯨﺪﯨﻐﺎﻥﺋﻪﮬﯟﺍﻝ ﻛﯧﻠﯩﭗ ﭼﯩﻘﯩﺪﯗ. ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ ﺧﺎﺩﯨﻢ ﺗﻪﻛﻠﯩﭗ ﻗﯩﻠﯩﺸﺘﯩﻤﯘ، ﮬﻪﺳﺴﯩﻠﻪﭖ ﮬﻪﻕﺗﯚﻟﻪﭖ ﻛﯧﺘﯩﺸﺘﯩﻦ ﺳﺎﻗﻠﯩﻨﯩﺶ ﺋﯜﭼﯜﻥ، ﭼﻮﻗﯘﻡ ﻗﺎﻧﯘﻧﯩﻲ ﺋﺎﺳﺎﺳﺘﺎ ﺋﯩﺶ ﻛﯚﺭﯛﭖ، ﺋﻪﻣﮕﻪﻛﭽﯩﻠﻪﺭﻧﻰ ﺋﯩﺸﻠﯩﺘﯩﺸﻜﻪﺋﺎﻻﻗﯩﺪﺍﺭ ﮬﺎﻟﻘﯩﻼﺭﺩﯨﻜﻰ ﺭﻩﺳﻤﯩﻴﻪﺗﻠﻪﺭﻧﻰ ﭼﻮﻗﯘﻡ ﭘﯘﺧﺘﺎ، ﺋﯩﻨﭽﯩﻜﻪ ﺑﯩﺠﯩﺮﯨﺶ ﻻﺯﯨﻢ.

     "ﺋﻪﻣﮕﻪﻙ ﺗﻮﺧﺘﺎﻣﻰ ﻗﺎﻧﯘﻧﻰ" ﺩﺍ: ﺋﯜﭺ ﺋﺎﻳﺪﯨﻦ ﻳﻮﻗﯩﺮﻯ، ﺑﯩﺮ ﻳﯩﻠﺪﯨﻦ ﺗﯚﯞﻩﻥﻣﯘﺩﺩﻩﺗﺘﻪ ﺋﯩﺸﻘﺎ ﻗﻮﻳﯘﻟﯩﺪﯨﻐﺎﻥ ﺧﺎﺩﯨﻤﻼﺭﻧﻰ ﺳﯩﻨﺎﻕ ﺗﻪﺭﯨﻘﯩﺴﯩﺪﻩ ﺋﯩﺸﻠﯩﺘﯩﺶ ﯞﺍﻗﺘﻰ ﺑﯩﺮ ﺋﺎﻳﺪﯨﻦﺋﯧﺸﯩﭗ ﻛﻪﺗﻤﻪﻳﺪﯗ؛ ﺑﯩﺮ ﻳﯩﻠﺪﯨﻦ ﻳﻮﻗﯩﺮﻯ ﺋﯜﭺ ﻳﯩﻠﺪﯨﻦ ﺗﯚﯞﻩﻥ ﻣﯘﺩﺩﻩﺗﺘﻪ ﺋﯩﺸﻘﺎ ﻗﻮﻳﯘﻟﯩﺪﯨﻐﺎﻥﺧﺎﺩﯨﻤﻼﺭﻧﻰ ﺳﯩﻨﺎﻕ ﺗﻪﺭﯨﻘﯩﺴﯩﺪﻩ ﺋﯩﺸﻠﯩﺘﯩﺶ ﯞﺍﻗﺘﻰ ﺋﯜﭺ ﺋﺎﻳﺪﯨﻦ ﺋﯧﺸﯩﭗ ﻛﻪﺗﻤﻪﻳﺪﯗ؛ ﺋﯜﭺ ﻳﯩﻠﺪﯨﻦﻳﻮﻗﯩﺮﻯ ﻣﯘﺩﺩﻩﺗﺘﻪ ﻗﻪﺭﻩﻟﻠﯩﻚ ﺋﯩﺸﻘﺎ ﻗﻮﻳﯘﻟﯩﺪﯨﻐﺎﻥ ﻳﺎﻛﻰ ﻗﻪﺭﻩﻟﺴﯩﺰ ﺋﯩﺸﻠﯩﺘﯩﻠﯩﺪﯨﻐﺎﻥ ﺧﺎﺩﯨﻤﻼﺭﻧﻰﺳﯩﻨﺎﻕ ﺗﻪﺭﯨﻘﯩﺴﯩﺪﻩ ﺋﯩﺸﻠﯩﺘﯩﺶ ﯞﺍﻗﺘﻰ ﺋﺎﻟﺘﻪ ﺋﺎﻳﺪﯨﻦ ﺋﯧﺸﯩﭗ ﻛﻪﺗﻤﻪﻳﺪﯗ؛ ﺑﯩﺮ ﺋﻮﺭﯗﻥ ﺑﯩﺮﺋﺎﺩﻩﻣﻨﻰ ﭘﻪﻗﻪﺕ ﺑﯩﺮﻻ ﻗﯧﺘﯩﻢ ﺳﯩﻨﺎﻕ ﺗﻪﺭﯨﻘﯩﺴﯩﺪﻩ ﺋﯩﺸﻠﯩﺘﯩﭗ ﺑﺎﻗﯩﺪﯗ؛ ﺋﺎﺩﻩﻡ ﺋﯩﺸﻠﻪﺗﻜﯜﭼﻰﺋﻮﺭﯗﻥ ﻣﻪﻟﯘﻡ ﺑﯩﺮ ﺧﺎﺩﯨﻤﻨﻰ ﺳﯩﻨﺎﻕ ﺗﻪﺭﯨﻘﯩﺴﯩﺪﻩ ﺋﯩﺸﻠﯩﺘﯩﯟﺍﺗﻘﺎﻥ ﻣﻪﺯﮔﯩﻠﺪﻩ ﺑﯘﻧﯩﯖﻐﺎ ﺋﺎﻻﻗﯩﺪﺍﺭﺑﻪﻟﮕﯩﻠﯩﻤﯩﻠﻪﺭﮔﻪ ﺋﺎﻻﮬﯩﺪﻩ ﺩﯦﻘﻘﻪﺕ ﻗﯩﻠﯩﺸﻰ ﺷﻪﺭﺕ. ﺑﯘﻧﯩﯖﻐﺎ ﻣﯘﻧﺎﺳﯩﯟﻩﺗﻠﯩﻚ ﻗﺎﻧﯘﻥ - ﺑﻪﻟﮕﯩﻠﯩﻤﯩﻠﻪﺭﮔﻪﺧﯩﻼﭘﯩﻠﯩﻖ ﻗﯩﻠﻐﺎﻧﻼﺭ ﺗﯚﻟﻪﻡ ﺟﺎﯞﺍﺑﻜﺎﺭﻟﯩﻘﯩﻨﻰ ﺯﯨﻤﻤﯩﺴﯩﮕﻪ ﺋﺎﻟﯩﺪﯗ، ﺩﻩﭖ ﺑﻪﻟﮕﯩﻠﻪﻧﮕﻪﻥ.

    "ﺋﻪﻣﮕﻪﻙ ﺗﻮﺧﺘﺎﻣﻰ ﻗﺎﻧﯘﻧﻰ" ﺩﺍ: ﺋﺎﺩﻩﻡ ﺋﯩﺸﻠﻪﺗﻜﯜﭼﻰ ﺋﻮﺭﯗﻥ ﺋﻪﻣﮕﻪﻛﭽﯩﻠﻪﺭﻧﻰﻣﻪﺧﺴﯘﺱ ﺗﻪﺭﺑﯩﻴﻪﻟﻪﺷﻜﻪ ﺧﯩﺮﺍﺟﻪﺕ ﺋﺎﺟﺮﯨﺘﯩﭗ، ﺋﯘﻻﺭﻧﻰ ﻛﻪﺳﯩﭗ ﺑﻮﻳﯩﭽﻪ ﺗﻪﺭﺑﯩﻴﻪﻟﯩﮕﻪﻧﺪﯨﻦ ﻛﯧﻴﯩﻦﺋﺎﻧﺪﯨﻦ، ﺋﯘﻻﺭ ﺑﯩﻠﻪﻥ ﻛﯧﻠﯩﺸﯩﻢ ﺋﯩﻤﺰﺍﻻﻳﺪﯗ؛ ﻛﯧﻠﯩﺸﯩﻤﺪﻩ ﺋﯩﻤﮕﻪﻛﭽﯩﻠﻪﺭﻧﯩﯔ ﻣﯘﻻﺯﯨﻤﻪﺕ ﻣﯘﺩﺩﯨﺘﻰﺑﯩﻜﯩﺘﯩﻠﯩﺪﯗ، ﺩﻩﭖ ﺑﻪﻟﮕﯩﻠﻪﻧﮕﻪﻥ. ﺋﻪﻣﮕﻪﻛﭽﻰ ﻧﺎﯞﺍﺩﺍ ﻣﯘﻻﺯﯨﻤﻪﺕ ﯞﺍﻗﺘﻰ ﮬﻪﻗﻘﯩﺪﯨﻜﻰ ﻛﯧﻠﯩﺸﯩﻤﮕﻪﺧﯩﻼﭘﻠﯩﻖ ﻗﯩﻠﺴﺎ، ﻛﯧﻠﯩﺸﯩﻢ ﺑﻮﻳﯩﭽﻪ ﺋﺎﺩﻩﻡ ﺋﯩﺸﻠﻪﺗﻜﯜﭼﻰ ﺋﻮﺭﯗﻧﻐﺎ ﻛﯧﻠﯩﺸﯩﻤﮕﻪ ﺧﯩﻼﭘﻠﯩﻖ ﻗﯩﻠﯩﺶﮬﻪﻗﻘﻰ ﺗﯚﻟﻪﻳﺪﯗ؛ ﻟﯧﻜﯩﻦ ﻛﯧﻠﯩﺸﯩﻤﮕﻪ ﺧﯩﻼﭘﻠﯩﻖ ﻗﯩﻠﯩﺶ ﮬﻪﻗﻘﻰ ﺋﺎﺩﻩﻡ ﺋﯩﺸﻠﻪﺗﻜﯜﭼﻰ ﺋﻮﺭﯗﻧﻨﯩﯔﺋﺎﺷﯘ ﺧﺎﺩﯨﻤﻐﺎ ﭼﯩﻘﯩﻢ ﻗﯩﻠﻐﺎﻥ ﺗﻪﺭﺑﯩﻴﻪﻟﻪﺵ ﺧﯩﺮﺍﺟﯩﺘﯩﺪﯨﻦ ﺋﯧﺸﯩﭗ ﻛﻪﺗﻤﻪﻳﺪﯗ.

    "ﺋﻪﻣﮕﻪﻙ ﺗﻮﺧﺘﺎﻣﻰ ﻗﺎﻧﯘﻧﻰ"ﺩﺍ: ﺋﻪﻣﮕﻪﻙ ﺗﻮﺧﺘﺎﻣﯩﺪﺍ ﻣﯘﻧﺪﺍﻕ ﺋﯩﻜﻜﻰ ﺧﯩﻞ ﺋﻪﮬﯟﺍﻝﺋﺎﺳﺘﯩﺪﺍ ﻛﯧﻠﯩﺸﯩﻤﮕﻪ ﺧﯩﻼﭘﻠﯩﻖ ﻗﯩﻠﯩﺶ ﮬﻪﻗﻘﻰ ﺋﯧﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯧﻜﯩﺘﯩﺸﻜﻪ ﺑﻮﻟﯩﺪﯗ: ﺑﯩﺮﻯ، ﺋﻪﻣﮕﻪﻛﭽﻰ ﺑﯧﻜﯩﺘﯩﻠﮕﻪﻥ ﻣﯘﻻﺯﯨﻤﻪﺕ ﯞﺍﻗﺘﯩﻐﺎ ﺧﯩﻼﭘﻠﯩﻖ ﻗﯩﻠﺴﺎ؛ ﻳﻪﻧﻪ ﺑﯩﺮﻯ، ﺋﻪﻣﮕﻪﻛﭽﻰ ﺋﺎﺩﻩﻡ ﺋﯩﺸﻠﻪﺗﻜﯜﭼﻰﺋﻮﺭﯗﻥ ﭼﻪﻛﻠﯩﮕﻪﻥ ﻣﻪﺷﻐﯘﻻﺕ ﺑﯩﻠﻪﻥ ﺋﯚﺯﻟﯩﻜﯩﺪﯨﻦ ﺷﯘﻏﯘﻟﻼﻧﻐﺎﻥ ﺑﻮﻟﺴﺎ، ﺋﺎﺩﻩﻡ ﺋﯩﺸﻠﻪﺗﻜﯜﭼﻰﺋﻮﺭﯗﻧﻨﯩﯔ ﺑﯘ ﺋﯩﻜﻜﻰ ﺧﯩﻞ ﺋﻪﮬﯟﺍﻟﺪﯨﻦ ﺑﺎﺷﻘﺎ ﮬﻪﺭ ﻗﺎﻧﺪﺍﻕ ﺑﺎﮬﺎﻧﻪ ﺑﯩﻠﻪﻥ ﺋﻪﻣﮕﻪﻛﭽﯩﻠﻪﺭﺩﯨﻦﻛﯧﻠﯩﺸﯩﻤﮕﻪ ﺧﯩﻼﭘﻠﯩﻖ ﻗﯩﻠﯩﺶ ﮬﻪﻗﻘﻰ ﺋﯧﻠﯩﺶ ﮬﻮﻗﯘﻗﻰ ﺑﻮﻟﻤﺎﻳﺪﯗ، ﺩﻩﭖ ﺑﻪﻟﮕﯩﻠﻪﻧﮕﻪﻥ.

   ﺩﯦﻤﻪﻙ، ﻛﯧﻠﯩﺸﯩﻤﮕﻪ ﺧﯩﻼﭘﻠﯩﻖ ﻗﯩﻠﯩﺶ ﮬﻪﻗﻘﯩﻨﻰ ﺑﯧﻜﯩﺘﯩﺸﻜﻪ ﻣﯘﻣﻜﯩﻦ ﺑﻮﻟﻤﯩﻐﺎﻥﺋﻪﮬﯟﺍﻟﺪﺍ، ﺋﺎﺩﻩﻡ ﺋﯩﺸﻠﻪﺗﻜﯜﭼﻰ ﺋﻮﺭﯗﻧﻨﯩﯔ ﻗﺎﻧﯘﻧﻠﯘﻕ ﮬﻮﻗﯘﻗﯩﻨﻰ، ﺧﺎﺩﯨﻤﻼﺭﻧﯩﯔ ﻛﯧﻠﯩﺸﯩﻤﯩﮕﻪ ﺧﯩﻼﭘﻠﯩﻖﻗﯩﻠﯩﺸﻰ ﯞﻩﺟﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺯﯨﻴﺎﻧﻨﻰ ﺩﻩﻟﯩﻞ - ﺋﯩﺴﭙﺎﺕ ﻗﯩﻠﯩﺶ ﻳﻮﻟﻰ ﺑﯩﻠﻪﻥ ﻗﻮﻏﺪﺍﺵ ﻣﻪﺳﯩﻠﯩﺴﻰ، ﺋﺎﺩﻩﻡ ﺋﯩﺸﻠﻪﺗﻜﯜﭼﻰ ﺋﻮﺭﯗﻧﻼﺭ ﺗﻪﺗﻘﯩﻖ ﻗﯩﻠﯩﺪﯨﻐﺎﻥ ﻳﯧﯖﻰ ﺗﯧﻤﺎ ﺑﻮﻟﯘﭖ ﻗﺎﻟﯩﺪﯗ. ﺋﺎﺩﻩﻡ ﺋﯩﺸﻠﻪﺗﻜﯜﭼﻰﺋﻮﺭﯗﻥ ﺑﯩﻠﻪﻥ ﺋﻪﻣﮕﻪﻛﭽﯩﻠﻪﺭ ﺋﻮﺗﺘﯘﺭﯨﺴﯩﺪﺍ ﺗﯜﺯﯛﻟﯩﺪﯨﻐﺎﻥ ﺗﻮﺧﺘﺎﻣﺪﺍ، ﺋﻪﻣﮕﻪﻛﭽﯩﻠﻪﺭﻧﯩﯔ ﺋﺎﺷﯘﺋﻮﺭﯗﻧﻨﯩﯔ ﺳﻮﺩﺍ ﻣﻪﺧﭙﯩﻴﯩﺘﯩﻨﻰ ﺳﺎﻗﻼﺵ ﺟﻪﮬﻪﺗﺘﯩﻜﻰ ﻣﻪﺟﺒﯘﺭﯨﻴﯩﺘﯩﻨﻰ ﺑﯧﻜﯩﺘﯩﺸﻜﻪ ﺑﻮﻟﯩﺪﯗ. ﻳﻪﻧﻪﺑﯩﺮ ﻧﻮﻗﺘﯩﺪﯨﻦ ﺋﺎﻟﻐﺎﻧﺪﺍ ﺧﺎﺩﯨﻢ ﺷﯘ ﺋﻮﺭﯗﻧﺪﯨﻦ ﺋﺎﻳﺮﯨﻠﻐﺎﻧﺪﯨﻦ ﻛﯧﻴﯩﻨﻤﯘ ﺋﯘﻧﯩﯖﻐﺎ "ﺭﯨﻘﺎﺑﻪﺗﻠﯩﻚﻛﻪﺳﯩﭗ ﺑﯩﻠﻪﻥ ﺷﻮﻏﯘﻟﻠﯩﻨﯩﺸﻘﺎ ﭼﻪﻙ ﻗﻮﻳﯘﺵ ﺗﯚﻟﯩﻤﻰ" ﺑﯧﺮﯨﺶ ﺯﯙﺭﯛﺭ ﺗﯧﭙﯩﻠﯩﺪﯗ. ﻟﯧﻜﯩﻦ ﺑﯘﺧﯩﻞ ﺗﯚﻟﻪﻡ ﺳﻮﻣﻤﯩﺴﯩﻨﻰ ﻗﺎﻧﺪﺍﻕ ﺑﯧﻜﯩﺘﯩﺶ ﻣﻪﺳﯩﻠﯩﺴﻰ " ﺋﻪﻣﮕﻪﻙ ﺗﻮﺧﺘﺎﻣﻰ ﻗﺎﻧﯘﻧﻰ" ﺩﺍﺑﻪﻟﮕﯩﻠﻪﻧﻤﯩﮕﻪﻥ. ﺷﯘﯕﺎ ﺑﯘﻧﻰ ﺋﺎﺩﻩﻡ ﺋﯩﺸﻠﻪﺗﻜﯜﭼﻰ ﺋﻮﺭﯗﻥ ﺑﯩﻠﻪﻥ ﺧﺎﺩﯨﻢ ﻛﯧﯖﯩﺸﯩﺶ ﺋﺎﺭﻗﯩﻠﯩﻖﺑﯧﻜﯩﺘﯩﺸﻜﻪ ﺗﻮﻏﺮﺍ ﻛﯧﻠﯩﺪﯗ.

   ﺩﯦﻤﻪﻙ، "ﺋﻪﻣﮕﻪﻙ ﺗﻮﺧﺘﺎﻣﻰ ﻗﺎﻧﯘﻧﻰ" ﺩﺍ ﺋﺎﺩﻩﻡ ﺋﯩﺸﻠﻪﺗﻜﯜﭼﻰﺋﻮﺭﯗﻧﻐﺎ ﺧﺎﺩﯨﻤﻼﺭﻧﯩﯔ ﺭﯨﻘﺎﺑﻪﺗﻠﯩﻚ ﻛﻪﺳﯩﭗ ﺑﯩﻠﻪﻥ ﺷﻮﻏﯘﻟﻠﯩﻨﯩﺸﻘﺎ ﭼﻪﻙ ﻗﻮﻳﯘﺵ ﮬﻮﻗﯘﻗﻰ ﺑﯧﺮﯨﻠﮕﻪﻥ. ﺋﻪﻣﺪﻯ ﺑﯘ ﮬﻪﻗﺘﻪ ﻣﻪﺯﻣﯘﻧﻰ ﺗﻮﻟﯘﻕ ﯞﻩ ﺗﻪﭘﺴﯩﻠﯩﻲ، ﻗﺎﻧﯘﻥ ﺋﺎﺳﺎﺳﯩﻐﺎ ﺋﯩﮕﻪ، ﺋﯜﻧﯜﻣﻰ ﻛﯚﺭﯛﻧﻪﺭﻟﯩﻚﻛﯧﻠﯩﺸﯩﻤﻨﻰ ﻗﺎﻧﺪﺍﻕ ﻻﻳﯩﮭﯩﻠﻪﭖ ﻳﻮﻟﻐﺎ ﻗﻮﻳﯘﺵ ﻣﻪﺳﯩﻠﯩﺴﻰ، ﺋﺎﺩﻩﻡ ﺋﯩﺸﻠﻪﺗﻜﯜﭼﻰ ﺋﻮﺭﯗﻧﻼﺭﻧﯩﯔ ﻳﻮﻗﯩﺮﻯﺩﻩﺭﯨﺠﯩﻠﯩﻚ ﺑﺎﺷﻘﯘﺭﻏﯘﭼﯩﻼﺭ، ﺋﺎﻟﯩﻲ ﺩﻩﺭﯨﺠﯩﻠﯩﻚ ﺗﯧﺨﻨﯩﻜﻼﺭ ﯞﻩ ﻣﻪﺧﭙﯩﻴﻪﺗﻠﯩﻚ ﺧﯩﺰﻣﯩﺘﯩﮕﻪﻣﻪﺳﺌﯘﻝ ﺑﻮﻟﻐﺎﻥ ﺧﺎﺩﯨﻤﻼﺭﻧﻰ ﺑﺎﺷﻘﯘﺭﯗﺵ ﺋﯩﺸﯩﻨﻰ ﺋﻮﯕﯘﺷﻠﯘﻕ ﺑﯩﺮ ﺗﻪﺭﻩﭖ ﻗﯩﻠﯩﺸﺘﺎ ﺋﻮﺑﺪﺍﻥ ﺗﻪﺗﻘﯩﻖﻗﯩﻠﻤﯩﺴﺎ ﺑﻮﻟﻤﺎﻳﺪﯨﻐﺎﻥ ﻣﯘﮬﯩﻢ ﺗﯧﻤﯩﻐﺎ ﺋﺎﻳﻠﯩﻨﯩﺪﯗ.

   "ﺋﻪﻣﮕﻪﻙ ﻗﺎﻧﯘﻧﻰ" ﻏﺎ ﺋﺎﺳﺎﺳﻼﻧﻐﺎﻧﺪﺍ، ﭘﻪﻗﻪﺕ ﺋﻪﻣﮕﻪﻙ ﺗﻮﺧﺘﺎﻣﻰ ﺑﯩﻜﺎﺭ ﻗﯩﻠﯩﻨﻐﺎﻧﺪﯨﻼﺋﯩﻘﺘﯩﺴﺎﺩﯨﻲ ﺗﯚﻟﻪﻡ ﺑﯧﺮﯨﻠﯩﺪﯗ. ﺋﻪﻣﮕﻪﻙ ﺗﻮﺧﺘﺎﻣﯩﻨﯩﯔ ﻣﯘﺩﺩﯨﺘﻰ ﺗﻮﺷﻘﺎﻧﺪﺍ ﺑﻮﻟﺴﺎ ﺋﯩﻘﺘﯩﺴﺎﺩﯨﻲﺗﯚﻟﻪﻡ ﺑﯧﺮﯨﺶ ﺋﯩﺸﯩﻤﯘ ﺋﯚﺯﻟﯜﻛﯩﺪﯨﻦ ﺋﺎﺧﯩﺮﻟﯩﺸﯩﺪﯗ. " ﺋﻪﻣﮕﻪﻙ ﺗﻮﺧﺘﺎﻣﻰ ﻗﺎﻧﯘﻧﻰ" ﺩﯨﻜﻰﺋﺎﻻﻗﯩﺪﺍﺭ ﺑﻪﻟﮕﯩﻠﯩﻤﯩﻠﻪﺭﺩﯨﻦ ﻣﻪﻟﯘﻣﻜﻰ، ﺋﺎﺩﻩﻡ ﺋﯩﺸﻠﻪﺗﻜﯜﭼﻰ ﺋﻮﺭﯗﻥ ﺋﻪﻣﮕﻪﻙ ﺗﻮﺧﺘﺎﻣﯩﻨﯩﯔ ﻣﯘﺩﺩﯨﺘﻰﺗﻮﺷﻘﺎﻥ ﻳﺎﻛﻰ ﺑﺎﺷﻘﺎ ﺳﻪﯞﻩﭘﻠﻪﺭ ﺑﯩﻠﻪﻥ ﺗﻮﺧﺘﺎﻡ ﺑﯩﻜﺎﺭ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻨﻤﯘ ﺧﺎﺩﯨﻤﻼﺭﻏﺎﺋﯘﻻﺭﻧﯩﯔ ﺋﯩﺴﺘﺎﮊﯨﻐﺎ  ﺋﺎﺳﺎﺳﻪﻥ ﺋﯩﻘﺘﯩﺴﺎﺩﯨﻲﺗﯚﻟﻪﻡ ﺑﯧﺮﯨﺶ ﻣﻪﺟﺒﯘﺭﯨﻴﯩﺘﯩﻨﻰ ﺩﺍﯞﺍﻣﻠﯩﻖ ﺯﯨﻤﻤﯩﺴﮕﻪ ﺋﺎﻟﯩﺪﯗ. ﺟﯜﻣﻠﯩﺪﯨﻦ ﺋﺎﺩﻩﻡ ﺋﯩﺸﻠﻪﺗﻜﯜﭼﻰﺋﻮﺭﯗﻥ ﺳﻪﯞﻩﭖ ﺑﻮﻟﻐﯩﺪﻩﻙ ﺳﻪﯞﻩﻧﻠﯩﻚ ﻛﯚﺭﯛﻟﻤﻪﻱ ﺗﯘﺭﯗﭖ ﺋﻪﻣﮕﻪﻙ ﺗﻮﺧﺘﺎﻣﯩﻨﻰ ﺑﯩﻜﺎﺭ ﻗﯩﻠﺴﺎ ﯞﻩﺋﻪﻣﮕﻪﻙ ﺗﻮﺧﺘﺎﻣﯩﻨﯩﯔ ﻣﯘﺩﺩﯨﺘﻰ ﺗﻮﺷﻘﺎﻧﺪﯨﻦ ﻛﯧﻴﯩﻦ ﺩﺍﯞﺍﻣﻠﯩﻖ ﺗﻮﺧﺘﺎﻡ ﺋﯩﻤﺰﺍﻻﺷﻨﻰ ﺭﻩﺕ ﻗﯩﻠﺴﺎ، ﺗﻮﺧﺘﺎﻡﺋﯩﻤﺰﺍﻻﺵ ﺗﻪﻟﯩﭙﻰ ﺭﻩﺕ ﻗﯩﻠﯩﻨﻐﺎﻥ ﺧﺎﺩﯨﻢ، ﺋﺎﺩﻩﻡ ﺋﯩﺸﻠﻪﺗﻜﯜﭼﻰ ﺋﻮﺭﯗﻧﺪﯨﻦ ﺋﯩﻘﺘﯩﺴﺎﺩﯨﻲ ﺗﯚﻟﻪﻡﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﯩﺸﻘﺎ ﮬﻮﻗﯘﻗﻠﯘﻕ.

    ﺩﯦﻤﻪﻙ، ﺑﯘ ﺑﻪﻟﮕﯩﻠﯩﻤﯩﺪﯨﻦ "ﺋﻪﻣﮕﻪﻙ ﺗﻮﺧﺘﺎﻣﻰ ﻗﺎﻧﯘﻧﻰ" ﺩﺍ ﺋﻪﻣﮕﻪﻛﭽﯩﻠﻪﺭﻧﯩﯔﺋﻪﻣﮕﻪﻙ ﺗﻮﺧﺘﺎﻣﻰ ﺋﯩﺠﺮﺍ ﻗﯩﻠﯩﻨﻐﺎﻥ ﻣﻪﺯﮔﯩﻠﺪﯨﻜﻰ ﺗﯚﮬﭙﯩﺴﯩﻨﯩﯔ ﻣﯘﺋﻪﻳﻴﻪﻧﻠﻪﺷﺘﯜﺭﯛﻟﯜﭖ، ﻛﺎﺭﺧﺎﻧﯩﻼﺭﻧﯩﯔﺧﺎﺩﯨﻤﻼﺭﻧﻰ ﺋﯘﺯﯗﻥ ﻣﯘﺩﺩﻩﺕ ﺋﯩﺸﻠﯩﺘﯩﺸﻜﻪ ﺩﺍﻻﻟﻪﺕ ﻗﯩﻠﯩﻨﻐﺎﻧﻠﯩﻘﯩﻨﻰ ﻛﯚﺭﯛﯞﯦﻠﯩﺸﻘﺎ ﺑﻮﻟﯩﺪﯗ. ﺟﯜﻣﻠﯩﺪﯨﻦﻣﻪﺯﻛﯜﺭ ﻗﺎﻧﯘﻧﺪﺍ ﺋﺎﺩﻩﻡ ﺋﯩﺸﻠﻪﺗﻜﯜﭼﻰ ﺋﻮﺭﯗﻧﻼﺭﺩﯨﻦ ﺋﻪﻣﮕﻪﻙ ﺗﻮﺧﺘﺎﻣﻰ ﺑﻮﻳﯩﭽﻪ ﺑﺎﺷﻘﯘﺭﯗﺷﻨﻰ ﺗﻪﻧﻨﻪﺭﺥﮬﯧﺴﺎﺑﺎﺗﻰ ﺑﻮﻳﯩﭽﻪ ﻟﯩﻠﻼ ﺑﺎﺷﻘﯘﺭﯗﺵ ﯞﻩ ﺑﺎﺷﻘﯘﺭﯗﺷﻘﺎ ﺋﻪﭘﻠﯩﻚ ﺑﻮﻟﺸﺘﯩﻦ ﺋﯩﺒﺎﺭﻩﺕ ﺋﯩﻜﻜﻰ ﻳﺎﻗﻠﯩﻤﯩﻠﯩﻖﺗﻪﻟﻪﭘﻜﻪ ﻻﻳﯩﻘﻼﺷﺘﯘﺭﯗﺵ ﺋﯜﺳﺘﯩﺪﻩ ﺋﯩﺰﺩﯨﻨﯩﭗ، ﺋﻪﻣﮕﻪﻙ ﺗﻮﺧﺘﺎﻣﯩﻨﻰ ﺩﺍﯞﺍﻣﻠﯩﻖ ﺋﯩﻤﺰﺍﻻﺵ ﺑﯩﻠﻪﻥ ﺑﯩﺮﮔﻪﺋﻪﻣﮕﻪﻛﭽﯩﻠﻪﺭﻧﯩﯔ ﺋﻪﻣﮕﻪﻙ ﺋﯜﻧﯜﻣﯩﻨﻰ ﺋﯚﺳﺘﯜﺭﯛﭖ، ﻣﯘﯞﺍﭘﯩﻖ ﺑﻮﻟﻐﺎﻥ ﺋﻪﻣﮕﻪﻙ ﺋﯩﺶ ﮬﻪﻗﻘﻰ ﻣﯘﻧﺎﺳﯩﯟﯨﺘﯩﻨﻰﺗﯘﺭﻏﯘﺯﯗﭖ ﭼﯩﻘﯩﺶ ﺗﻪﻟﻪﭖ ﻗﯩﻠﯩﻨﯩﺪﯗ.

    "ﺋﻪﻣﮕﻪﻙ ﺗﻮﺧﺘﺎﻣﻰ ﻗﺎﻧﯘﻧﻰ" ﻧﯩﯔ 39 -، 40 - ﯞﻩ 42 - ﻣﺎﺩﺩﯨﻠﯩﺮﯨﺪﺍ: ﺋﺎﺩﻩﻡ ﺋﯩﺸﻠﻪﺗﻜﯜﭼﻰﺋﻮﺭﯗﻥ ﺋﻪﻣﮕﻪﻙ ﺗﻮﺧﺘﺎﻣﯩﻨﻰ ﺑﯩﻜﺎﺭ ﻗﯩﻠﻤﺎﻗﭽﻰ ﺑﻮﻟﺴﺎ، ﺑﯘ ﮬﻪﻗﺘﯩﻜﻰ ﻗﺎﺭﺍﺭﻧﻰ ﺋﻪﻣﻪﻟﯩﻲﺋﻪﮬﯟﺍﻟﻐﺎ ﻗﺎﺭﺍﭖ ﭼﯩﻘﯩﺮﯨﭗ، ﺑﯩﺮ ﺗﻪﺭﻩﭖ ﻗﯩﻠﯩﺶ ﺗﻪﺭﺗﯩﭙﯩﮕﻪ ﻳﺎﺗﯩﺪﯨﻐﺎﻥ ﻣﻪﺷﻐﯘﻻﺗﻼﺭﻧﻰ ﻗﺎﻧﯘﻥﺑﻮﻳﯩﭽﻪ ﺑﯩﺠﯩﺮﯨﺶ ﺑﯩﻠﻪﻥ ﺑﯩﺮﮔﻪ ﺗﻮﺧﺘﺎﻣﻰ ﺑﯩﻜﺎﺭ ﻗﯩﻠﯩﻨﻐﺎﻥ ﺧﺎﺩﯨﻤﻐﺎ ﺑﯧﺮﯨﻠﯩﺪﯨﻐﺎﻥ ﺋﯩﻘﺘﯩﺴﺎﺩﯨﻲﺗﯚﻟﻪﻣﻨﻰ ﯞﺍﻗﺘﯩﺪﺍ ﻧﻪﻗﻠﻪﺷﺘﯜﺭﯨﺪﯗ، ﺩﻩﭖ ﺑﻪﻟﮕﯩﻠﻪﻧﮕﻪﻥ.