100-50ﻛﯜﻧﻠﯜﻙ ﺑﻮﻟﻐﺎﻥ ﺗﯘﺧﯘﻡ ﺗﻮﺧﯘﻟﯩﺮﯨﺪﺍ ﺋﯩﭽﻰ ﺳﯜﺭﯛﺵ ﺋﻪﮬﯟﺍﻟﻰ ﻛﯚﭘﺮﻩﻙ ﻛﯚﺭﯛﻟﯩﺪﯗ ﮬﻪﻣﺪﻩ ﻛﯚﺭﯛﻟﯜﺵ ﺩﻩﺭﯨﺠﯩﺴﻰ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﺋﯩﭽﻰ ﺳﯜﺭﯛﺷﻨﻰ ﻛﯧﺴﻪﻝ ﺋﺎﻣﯩﻠﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻧﺪﯨﻦ ﺑﺎﺷﻘﺎ، ﻳﻪﻧﻪ ﺗﯚﯞﻩﻧﺪﯨﻜﯩﺪﻩﻙ ﺋﺎﻣﯩﻠﻼﺭ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺑﻮﻟﯘﺷﻰ ﻣﯘﻣﻜﯩﻦ:
ﻓﯩﺰﯨﺌﻮﻟﻮﮔﯩﻴﯩﻠﯩﻚ ﺋﺎﻣﯩﻞ ﺗﻮﺧﯘﻧﯩﯔ ﺳﯜﻳﺪﯛﻙ ﺋﺎﺟﺮﯨﺘﯩﭗ ﭼﯩﻘﯩﺮﯨﺶ ﺳﯩﺴﺘﯧﻤﯩﺴﯩﺪﺍ ﺑﯚﺭﻩﻙ ﺑﯩﻠﻪﻥ ﺳﯜﻳﺪﯛﻙ ﺗﻮﺷﯘﺵ ﻧﻪﻳﭽﯩﺴﯩﻼ ﺑﺎﺭ ﮬﻪﻣﺪﻩ ﺑﯘﻻﺭ ﺗﯜﺯ ﺋﯜﭼﻪﻳﮕﻪ ﺑﯩﯟﺍﺳﯩﺘﻪ ﺗﯘﺗﺎﺷﻘﺎﻥ ﺑﻮﻟﯘﭖ، ﺋﯧﻐﯩﺰﻯ ﭘﯜﺭﯛﻙ ﺑﻮﺷﻠﯘﻗﯩﻐﺎ ﺋﯧﭽﯩﻠﻐﺎﻥ، ﺷﯘﯕﺎ ﺗﯧﻨﯩﺪﯨﻜﻰ ﺋﺎﺭﺗﯘﻕ ﺳﯘ ﻣﺎﻳﯩﻘﻰ ﺑﯩﻠﻪﻥ ﺑﯩﻠﻠﻪ ﺳﯩﺮﺗﻘﺎ ﭼﯩﻘﯩﺮﯨﻠﯩﺪﯗ. ﺷﯘ ﺳﻪﯞﻩﺑﺘﯩﻦ ﺑﻪﺯﻯ ﯞﺍﻗﯩﺘﻼﺭﺩﺍ ﺗﻮﺧﯘﻧﯩﯔ ﻣﺎﻳﯩﻘﻰ ﺳﯘﻳﯘﻕ ﻛﯧﻠﯩﺪﯗ.
ﮬﺎﯞﺍﺭﺍﻳﻰ ﺋﺎﻣﯩﻠﻰ ﺳﯩﺮﺗﻨﯩﯔ ﺗﯧﻤﭙﯧﺮﺍﺗﯘﺭﯨﺴﻰ ﺋﯚﺭﻟﻪﭖ ﻛﻪﺗﻜﻪﻥ ﯞﺍﻗﯩﺘﺘﺎ، ﺋﯩﭽﯩﻤﻠﯩﻚ ﺳﯘ ﺋﺎﺭﻗﯩﻠﯩﻖ ﺗﻮﺧﯘﻧﯩﯔ ﺗﻪﻥ ﺗﯧﻤﭙﯧﺮﺍﺗﯘﺭﯨﺴﯩﻨﻰ ﭼﯜﺷﯜﺭﯛﺵ ﺗﻪﻥ ﺗﯧﻤﭙﯧﺮﺍﺗﯘﺭﯨﺴﯩﻨﻰ ﺗﻪﯕﭙﯘﯓ ﺳﺎﻗﻼﺷﻨﯩﯔ ﺋﯜﻧﯜﻣﻠﯜﻙ ﺋﯘﺳﯘﻟﻰ، ﻟﯧﻜﯩﻦ ﻓﯩﺰﯨﺌﻮﻟﻮﮔﯩﻴﯩﻠﯩﻚ ﺋﺎﻣﯩﻞ ﺗﯜﭘﻪﻳﻠﯩﺪﯨﻦ، ﺗﻮﺧﯘ ﺳﯘ ﺋﯩﭽﻜﻪﻧﺪﯨﻦ ﻛﯧﻴﯩﻦ ﻗﺎﻥ ﺋﺎﻳﻠﯩﻨﯩﺶ ﺋﺎﺭﻗﯩﻠﯩﻖ ﺳﯘﻧﯩﯔ ﻛﯚﭖ ﻗﯩﺴﻤﻰ ﭘﯜﺭﯛﻙ ﺑﻮﺷﻠﯘﻗﯩﻐﺎ ﭼﯩﻘﯩﺮﯨﻠﯩﺪﯗ، ﺑﯘﻧﯩﯔ ﺑﯩﻠﻪﻥ ﺗﻮﺧﯘﻧﯩﯔ ﻣﺎﻳﯩﻘﻰ ﺳﯘﻳﯘﻕ ﻛﯧﻠﯩﺪﯗ.
ﻳﻪﻡ ﺋﺎﻣﯩﻠﻰ ﺋﺎﺩﻩﺗﺘﻪ ﺗﻮﺧﯘﻻﺭﻧﯩﯔ ﻳﯧﻤﯩﻨﻰ ﺋﺎﻟﻤﺎﺷﺘﯘﺭﻏﺎﻧﺪﯨﻦ ﻛﯧﻴﯩﻦ ﺋﯩﭽﻰ ﺳﯜﺭﯛﺵ ﺋﻪﮬﯟﺍﻟﻰ ﻛﯚﭘﺮﻩﻙ ﻛﯚﺭﯛﻟﯩﺪﯗ، ﺑﻮﻟﯘﭘﻤﯘ ﻳﻪﻡ ﺗﻪﺭﻛﯩﺒﯩﺪﻩ ﻛﺎﻟﺘﺴﯩﻲ ﮬﯩﺪﺭﻭ ﻓﻮﺳﻔﺎﺕ ﯞﻩ ﮬﺎﻙ ﭘﺎﺭﺍﺷﻮﻛﻰ ﺗﻪﺭﻛﯩﺒﯩﺪﻩ ﻣﺎﮔﻨﯩﻴﻨﯩﯔ ﻣﯩﻘﺪﺍﺭﻯ ﻛﯚﭖ ﺑﻮﻟﯘﭖ ﻛﻪﺗﺴﻪ، ﺑﯘ ﺧﯩﻞ ﺋﻪﮬﯟﺍﻝ ﻛﯚﺭﯛﻟﯩﺪﯗ. ﻳﻪﻧﻪ ﺑﻪﺯﻯ ﺗﻮﺧﯘ ﺑﺎﻗﻘﯘﭼﯩﻼﺭ ﻳﻪﻣﻨﯩﯔ ﺗﯧﺘﯩﻤﭽﺎﻧﻠﯩﻘﯩﻨﻰ ﺋﺎﺷﯘﺭﯗﺵ، ﺗﻮﺧﯘﻧﯩﯔ ﺋﯩﺸﺘﯩﮭﺎﺳﯩﻨﻰ ﺋﯧﭽﯩﺶ ﯞﻩ ﺗﯘﺯ ﺗﻮﻟﯘﻗﻼﺵ ﺋﯜﭼﯜﻥ، ﻳﻪﻣﺪﯨﻜﻰ ﺗﯘﺯﻧﯩﯔ ﻣﯩﻘﺪﺍﺭﯨﻨﻰ ﻛﯚﭘﻪﻳﺘﯩﯟﯦﺘﯩﺪﯗ. ﺗﻮﺧﯘ ﺑﯘﻧﺪﺍﻕ ﻳﻪﻣﻨﻰ ﻳﯧﮕﻪﻧﺪﯨﻦ ﻛﯧﻴﯩﻦ ﺳﯘﻧﻰ ﻛﯚﭖ ﺋﯩﭽﯩﺪﯗ - ﺩﻩ، ﺋﯩﭽﻰ ﺳﯜﺭﯛﭖ ﻗﺎﻟﯩﺪﯗ.
ﻳﯘﻗﯩﺮﯨﻘﯩﺪﻩﻙ ﺳﻪﯞﻩﺑﻠﻪﺭ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺋﯩﭽﻰ ﺳﯜﺭﯛﺷﻜﻪ ﺩﻭﺭﺍ ﺋﯩﺸﻠﯩﺘﯩﻠﺴﻪ، ﺗﻮﺧﯘﻻﺭﻧﯩﯔ ﺋﯜﭼﻪﻱ ﻳﻮﻟﻠﯩﺮﯨﺪﯨﻜﻰ ﻣﯩﻜﺮﻭ ﺋﻮﺭﮔﺎﻧﯩﺰﻣﻼﺭﻧﯩﯔ ﺗﻪﯕﭙﯘﯕﻠﯘﻗﯩﻨﻰ ﺑﯘﺯﯗﭖ، ﺋﯩﭻ ﺳﯜﺭﯛﺷﻨﻰ ﺗﯧﺨﯩﻤﯘ ﺋﯧﻐﯩﺮﻻﺷﺘﯘﺭﯨﯟﯦﺘﯩﺪﯗ. ﺷﯘﯕﺎ ﺗﯘﺧﯘﻡ ﺗﻮﺧﯘﻟﯩﺮﯨﻨﯩﯔ ﺋﯩﭽﻰ ﺳﯜﺭﯛﭖ ﻗﺎﻟﺴﺎ، ﺩﻭﺭﺍ ﺑﯧﺮﯨﺸﻜﻪ ﺋﺎﻟﺪﯨﺮﯨﻤﺎﻱ، ﺳﻪﯞﻩﺑﯩﻨﻰ ﺋﯧﻨﯩﻘﻼﭖ، ﻗﺎﺭﺍﺗﻤﯩﻠﯩﻖ ﮬﺎﻟﺪﺍ ﺑﯩﺮ ﺗﻪﺭﻩﭖ ﻗﯩﻠﯩﺶ ﻛﯧﺮﻩﻙ.
