شەھەرگە كىرىپ ئىشلەمچىلىك قىلىش ئۈچۈن،قانداقلىكى كەسىپ بىلەن شۇغۇللانماڭ،ھەممىسىدىلا مۇئەييەن بىلىم ۋە ماھارەت بولمىسا بولمايدۇ. زۆرۈر كەسپىي ماھارەتنى ئىگىلىگەندە، شەھەرگە كىرىپ ئىشلەمچىلىك قىلىدىغانلارنىڭ ئىشقا ئورۇنلىشىشتىكى رىقابەت كۈچىنى ئاشۇرۇپ،ئىشقا ئورۇنلىشىش پۇرسىتىنى كۆپەيتكىلى بولىدۇ. دۆلەت كەسپىي سالاھىيەتنامە تۈزۈمى ۋە ئىشقا ئورۇنلىشىش ئىجازىتى تۈزۈمىنى يولغا قويۇپ،دۆلەت مۈلكىگە،خەلق ھاياتىنىڭ بىخەتەرلىكى ۋە ئىستېمالچىلارنىڭ مەنپەئىتىگە چېتىلىدىغان بىر قىسىم كەسىپ ۋە ئىش تۈرلىرىدە كەسىپكارلارنىڭ مۇناسىپ سالاھىيەتنامىنى ئالغاندىلا ئاندىن ئىش ئورنىغا چىقىشىغا بولىدىغانلىقىنى بەلگىلىدى. قولىڭىزدا كەسپىي سالاھىيەتنامىڭىز بولسا،ئىقتىدارىڭىز جەمئىيەتنىڭ ئېتىراپىغا ئېرىشىدۇ- دە،ئۆزىڭىز باپ كېلىدىغان خىزمەتنى تېخىمۇ ئاسان تاپالايسىز. كەسپىي سالاھىيەتنامىغا ئېرىشىش ئۈچۈن،ئالدى بىلەن زۆرۈر كەسپىي بىلىم ۋە ماھارەت ئىگىلەش كېرەك. شەرت ھازىرلانمىغان بولسا،ئاۋۋال كەسپىي ماھارەت تەربىيىسىگە قاتنىشىش،ئاندىن يەرلىك كەسپىي ماھارەت باھالاش ئاپپاراتىغا بېرىپ،كەسپىي ماھارەتنى باھالاشقا قاتىشىشنى ئىلتىماس قىلىش كېرەك. باھالاشتا لاياقەتلىك چىققانلارغا ئەمگەك كاپالىتى تارمىقى مۇناسىپ كەسپىي سالاھىيەتنامە بېرىدۇ.
