دېھقانلار مەيلى ئۇ يېزا ئىگىلىك ئىشلەپچىقىرىشى بىلەن شۇغۇللانسۇن ياكى شەھەرگە كىرىپ ئىگىلىك تىكلىسۇن،ئوخشاشلا نۆۋەتتىكى ۋە بۇنىڭدىن كېيىنكى خىزمەت ئېھتىياجىغا ئاساسەن،تىرىشىپ كەسپىي بىلىملەرنى ئۆگىنىپ،ماھارەت ئىگىلىشى كېرەك،بۇ ئۆز ساپاسىنى ئۆستۈرۈشتىكى مۇھىم تەرەپ. پەن- تېخنىكىنىڭ ئىلگىرىلىشىگە ئەگىشىپ،يېڭى ئۈسكۈنە،يېڭى ھۈنەر- سەنئەت،يېڭى ئۇسۇللار ئۈزلۈكسىز بارلىققا كەلدى، كەسپىي ماھارەتمۇ ئۈزلۈكسىز تەرەققىي قىلدى.كەسپىي ماھارەتنى ئۆستۈرۈش ئۇزاق مۇددەتلىك،ئىزچىل ۋەزىپە. كەسپىي ماھارەت ئۆگىنىش،ئىگىلەش ۋە ئۇنى ئۆستۈرۈشنىڭ يوللىرى كۆپ،ئەڭ مۇھىمى مۇنۇ ئىككى:
بىرى،كەسپىي ماھارەت تەربىيىسىگە قاتنىشىش. ئۆزىگە باب كېلىدىغان ھەر دەرىجىلىك،تۈرلۈك كەسپىي بىلىم ۋە تېخنىكىنى سىستېمىلىق ئۆگىنىش، بولۇپمۇ يېڭى تېخنىكا،يېڭى ھۈنەر- سەنئەت تەربىيىسىگە قاتنىشىپ،كەسپىي بىلىمىنى يېڭىلاش،يېڭى مەشغۇلات ئۇسۇلىنى ئىگىلەش كېرەك.
يەنە بىرى،ئەمەلىيەت داۋامىدا قابىليىىتىنى ئۆستۈرۈش. كەسپىي بىلىم ۋە تېخنىكىنى ئەمەلىي مەشغۇلات بىلەن زىچ بىرلەشتۈرۈش كېرەك،ئەمەلىي خىزمەت داۋامىدا تىرىشىپ ئۆگىنىپ جاپاغا چىداپ مەشق قىلغاندىلا،ئاندىن ئۇنى پىششىق ئىگىلىگىلى بولىدۇ.
