ناھىيەدىكى پاختا سېتىۋېلىش پىششىقلاپ ئىشلەش كارخانىلىرى، ھەرمىللەت پاختىكار ئاممىغا:

      ناھىيەمىزنىڭ 2010-يىللىق پاختا سېتىۋېلىش خىزمىتى ئومۇميۈزلۈك قانات يايدۇرۇلدى، پاختا سېتىۋېلىش خىزمىتىنى يەنىمۇ قېلىپلاشتۇرۇپ، دېھقانلارنىڭ مەنپەئەتىنى ھەقىقىي قوغداپ، ئاپەتكە ئۇچرىغان ئاممىنىڭ مەھسۇلات كېمىيىپ كەتسىمۇ كىرىمىنىڭ كېمىيىپ كەتمەسلىكىگە تىرىشىپ، پاختا سېتىۋېلىش، پاختا پىششىقلاپ ئىشلەش كارخانىلىرىنىڭ دېھقانلارغا ئاق ھۆججەت بېرىش قاتارلىق پاختىكارلارنىڭ مەنپەئەتىگە ئېغىر زىيان يەتكۈزىدىغان ھادىسىلەرنىڭ يۈز بېرىشىنىڭ پۈتۈنلەي ئالدىنى ئېلىش ئۈچۈن، ناھىيەلىك خەلق ھۆكۈمىتى پاختا سېتىۋېلىش پىششىقلاپ ئىشلەش كارخانىلىرىدىن يۈكسەك دەرىجىدە ئەھمىيەت بېرىپ، پاختا سېتىۋېلىشنى قېلىپلاشتۇرۇش خىزمىتىنى پائال ياخشى ئىشلەپ، ئۆزى مەبلەغ توپلاش، قەرز پۇل بىجىرىش، بىرلىشىش قاتارلىق ئۇسۇللار ئارقىلىق تۈرلۈك چارە-تەدبىرلەرنى ئويلاپ مەبلەغ توپلاپ، پاختا سېتىۋېلىش ئېھتىياجىغا كاپالەتلىك قىلىپ، پاختىكارلارنىڭ پاختا ساتقان پۇلىنى ئۆز ۋاقتىدا ئالالىشىغا كاپالەتلىك قىلىشنى تەلەپ قىلىدۇ. پاختا سېتىۋېلىش خىزمىتىنىڭ پۈتكۈل جەريانىدا، ناھىيەلىك خەلق ھۆكۈمىتى ناھىيەلىك ئىسلاھات تەرەققىيات، بىخەتەر ئىشلەپچىقىرىشنى نازارەت قىلىش، سۈپەت نازارەتچىلىكى، سودا-سانائەتنى مەمۇرىي باشقۇرۇش، ئوت ئۆچۈرۈش ئوتتىن مۇداپىئەلىنىش، يېزا-ئىگىلىك تەرەققىيات بانكىسى قاتارلىق ئالاقىدار ئورۇنلارنى تەشكىللەپ، پاختا سېتىۋېلىش پىششىقلاپ ئىشلەش كارخانىلىرىنىڭ پاختا سېتىۋېلىش خىزمىتىگە قارىتا نازارەتچىلىك ۋە تەكشۈرۈش ئېلىپ بېرىپ، ئاق ھۆججەت بەرگەن كارخانىلارنى بايقىغان ھامان قاتتىق تەكشۈرۈپ بىر تەرەپ قىلىدۇ، شۇنىڭ بىلەن بىرگە يەنە كەڭ پاختىكارلارنىڭ پاختا سېتىۋېلىش پىششىقلاپ ئىشلەش كارخانىلىرىنىڭ ئاق ھۆججەت بېرىش قىلمىشىغا قەتئىي قارشى تۇرۇپ، پاختا سېتىۋېلىش كارخانىلىرىغا نېسىگە پاختا سېتىپ بەرمەي، ئۆز مەنپەئەتىنىڭ زىيانغا ئۇچرىشىنىڭ ئالدىنى ئېلىشىنى ئەسكەرتىدۇ.

      ئالاھىدە ئۇقتۇرۇش قىلىندى.

                                       لوپنۇر ناھىيەلىك خەلق ھۆكۈمىتى

                                       2010-يىلى 9-ئاينىڭ 28-كۈنى