شىنجاڭ ئۇيغۇرئاپتونوم رايونلۇق خەلق ھۆكۈمىتى بەنگۇڭتىڭى يېقىندا ئۇقتۇرۇش تارقىتىپ، 2009 – يىللىق دۆلەت بايرىمى، تاۋۇز چاغىنىلىق دەم ئېلىش ۋە قىشلىق مەشغۇلات ۋاقتىنى ئورۇنلاشتۇردى.

ئۇقتۇرۇشتا مۇنداق دېيىلدى: 2009 – يىل 10 – ئاينىڭ 1 – كۈنى دۆلەت بايرىمى، 10 – ئاينىڭ 3 – كۈنى تاۋۇز چاغىنى. گوۋۇيۈەن بەنگۇڭتىڭى تارقاتقان [2008] – 42 نومۇرلۇق ‹‹گوۋۇيۈەن بەنگۇڭتىڭىنىڭ 2009 – يىلىدىكى قىسمەن بايرام، دەم ئېلىش كۈنلىرىنى ئورۇنلاشتۇرۇش توغرىسىدىكى ئۇقتۇرۇشى›› غا ئاساسەن، 2009 – يىللىق دۆلەت بايرىمى، تاۋۇز چاغىنىلىق دەم ئېلىش تۆۋەندىكىچە ئورۇنلاشتۇرۇلدى: بۇ يىل دۆلەت بايرىمى، تاۋۇز چاغىنىدا 1 – ئۆكتەبىردىن 8 – ئۆكتەبىرگىچە سەككىز كۈن دەم ئېلىشقا قويۇپ بېرىلىدۇ. بۇنىڭ ئىچىدە 1 – ئۆكتەبىر (پەيشەنبە)، 2 – ئۆكتەبىر (جۈمە)، 3 – ئۆكتەبىر (شەنبە) دۆلەت بايرىمىلىق قانۇندا بەلگىلەنگەن دەم ئېلىش كۈنى، 4 – ئۆكتەبىر (يەكشەنبە) ئادەتتىكىدەك دەم ئېلىنىدۇ؛ 3 – ئۆكتەبىر (شەنبە) دىكى بەلگىلەنگەن دەم ئېلىش كۈنى ۋە تاۋۇز چاغىنىلىق دەم ئېلىش كۈنى 5 – ئۆكتەبىر (دۈشەنبە) ۋە 6 – ئۆكتەبىر (سەيشەنبە) گە، 27 – سېنتەبىر (يەكشەنبە)، 10 – ئۆكتەبىر (شەنبە) دىكى بەلگىلەنگەن دەم ئېلىش كۈنى 7 – ئۆكتەبىر (چارشەنبە)، 8 – ئۆكتەبىر (پەيشەنبە) گە تەڭشىلىدۇ. 27 – سېنتەبىر (يەكشەنبە)، 10 – ئۆكتەبىر (شەنبە) نورمال خىزمەت قىلىنىدۇ.